Nýr samningur við Bandaríkin gegn tvísköttun

Árni Mathiesen fjármálaráðherra undirritaði í gær ásam Robert Kimmit, varafjármálaráðherra Bandaríkjanna, nýjan samning milli þjóðanna sem kom á í veg fyrir tvísköttun.

Fram kemur í tilkynningu frá fjármálaráðuneytinu að samningurinn sé aðlögun að gildandi stefnu ríkjanna í tvísköttunarmálum og breyttu efnahagsumhverfi í alþjóðlegu tilliti.

Helstu breytingar eru þær að tekinn er upp afdráttarskattur á tilteknar tegundir þóknana, lífeyrissjóðir njóta ótvírætt ívilnana hins nýja samnings og tekið er upp sérstakt takmarkandi ákvæði en því er ætlað að tryggja að einungis þeir skattaðilar sem uppfylla skilyrði þeirra ákvæða njóti ívilnana samningsins.