SA býst við mun meiri hagvexti en fjármálaráðuneytið

Samtök atvinnulífsins segja hagvöxt á árinu 2007 verða yfir fimm prósent en ekki innan við eitt prósent eins og fjármálaráðuneytið heldur fram.

Samtök atvinnulífsins segja að tölur um þróun vinnumarkaðar bendi til að framleiðniaukning á árinu 2006 hafi verið umtalsverð og hagvöxtur hafi verið allt að sex prósent.

Í greinargerð samtakanna er farið yfir horfur á vinnumarkaði og breyttar aðstæður í íslensku efnahagslífi. Þar segir m.a. að þörf sé á nýjum viðhorfum í stjórn efnahags- og atvinnumála í ljósi þess að fjármálageirinn sé orðinn stærsti útflutningsatvinnuvegurinn. Tekjumyndun og sveiflur í efnahagslífinu muni í framtíðinni verða með allt öðrum hætti en áður hefur þekkst.