HK og Valur mætast í kvöld

Íslandsmeistarar Vals taka á móti HK í kvöld og geta þar með unnið sinn fyrsta sigur á leiktíðinni.

Þetta er eini leikur kvöldsins í N1-deild karla en hann hefst klukkan 20.00 í íþróttahúsinu í Digranesi.

HK-ingar hafa verið í fínu formi það sem af er tímabili. Liðið tapaði naumlega fyrir Stjörnunni í fyrstu umferð en hafa svo unnið Aftureldingu og Akureyri örugglega.

Valsmenn hafa hins vegar byrjað tímabilið skelfilega. Liðið hefur tapað öllum sínum leikjum til þessa, fyrir Haukum, Stjörnunni og Aftureldingu.

Það er því mikið undir í kvöld og verða Valsmenn einfaldlega að vinna til að koma sér almennilega í gang.

Þessi lið háðu harða baráttu um Íslandsmeistaratitilinn í vor.

Leikurinn er sá fyrsti í fjórðu umferð mótsins.