Tíu hlutu heiðursmerki hinnar íslensku fálkaorðu

Forseti Íslands sæmdi tíu Íslendinga heiðursmerki hinnar íslensku fálkorðu í dag. Athöfnin fór fram á Bessastöðum.

Þeir sem hlutu fálkaorðuna í dag eru:

1. Ásgeir J. Guðmundsson iðnrekandi, Reykjavík, riddarakross fyrir störf í þágu íslensks húsgagnaiðnaðar.
2. Áslaug Sigríður Alfreðsdóttir hótelstjóri, Ísafirði, riddarakross fyrir störf að ferðaþjónustu landsbyggðar.
3. Björn R. Einarsson hljómlistarmaður, Reykjavík, riddarakross fyrir störf í þágu íslenskrar tónlistar.
4. Guðjón Sigurðsson formaður MND samtakanna, Hafnarfirði, riddarakross fyrir forystu í málefnum sjúklinga
5. Guðrún Kvaran orðabókarritstjóri, Reykjavík, riddarakross fyrir störf í þágu orðfræða og íslenskrar tungu.
6. Kristján Sæmundsson jarðfræðingur, Reykjavík, riddarakross fyrir störf í þágu íslenskra jarðvísinda.
7. Margrét Friðriksdóttir skólameistari, Kópavogi, riddarakross fyrir störf í þágu menntunar og fræðslu.
8. Pétur Sveinbjarnarson stjórnarformaður Sólheima, Reykjavík, riddarakross fyrir störf að samhjálp og velferðarmálum.
9. Steinunn Sigurðardóttir hönnuður, Reykjavík, riddarakross fyrir frumherjastörf í þágu fatahönnunar.
10. Sverrir Hermannsson safnamaður, Akureyri, riddarakross fyrir stofnun Smámunasafnsins og framlag til verndunar gamalla húsa