Innlegg í umræðuna

Ég hef fylgst grannt með umræðunni um innflytjendamálin. Sér í lagi rýnt í andsvörin. Mér sýnist á andsvörum fólks varðandi innflytjendamál að það vill freka hafa hér lögleysu í þeim málum en skýr lög eins og Frjálslyndi flokkurinn. Þetta ágæta fólk vill reyna að kaffæra umræðuna úr fjarðlægð með móðgandi ummælum, gífuryrðum og upphrópunum, en lætur fylgja, "að sjálfsögðu þarf að ræða þessi mál á uppbyggilegum og faglegum nótum". Svo er málið dautt hjá þessu fólki. Það er ansi langt seilst í ofstækinu þegar mér og öðrum frjálslyndum er líkt við stríðsglæpamanninn Slobodan Milosevic. Þeir sem það gjöra er til ævarandi skammar.

Ágæta fólk. Hafið í huga, að ofstæki er upphaf alls ills og virkar í báðar áttir. Hvað seigir t.d. Illugi Jökulsson í sínum pistli um Frjálslynda flokkinn í Dagblaðinu 5. apríl. "Víst er það rétt. Einhverjir lúðar munu alltaf fagna því þegar þeir verða vitni að einelti eins og því sem Jón og Magnús Þór sýnast nú albúnir að beita fólki af útlenskum uppruna sem býr hér á landi. (Leturbreyting höfundar) Því miður er til ómerkilegt fólk á Íslandi og það hefur líka kosningarétt". Hann kallar mig og þúsundir annarra kjósend Frjálslynda flokksins ómerkilegt fólk. Er þetta hógvær eða ofstækisfullur málflutningur? Hvorugt. Þetta er hatur. Illugi hatar mig og aðra stuðningsmenn Frjálslynda flokksins fyrir að þora. Hans flokkur þorir engu.

Við skulum gera okkur grein fyrir því að Frjálslyndi flokkurinn hefur aldrei talað um að reka úr landi það fólk af erlendum uppruna sem hingað er komið. Heldur verið fremstir í flokki og talað fyrir því að við þurfum að búa sem best í haginn fyrir þetta fólk. Það hefur verið mikill sómi af því hvernig við Íslendingar höfum tekið á móti flóttafólki og verið öðrum til eftirbreytni. Á sama hátt þurfum við að búa vel í haginn fyrir aðra. Frjálslyndi flokkurinn var til að mynda fyrsti stjórnmálaflokkurinn til að hafa nýbúa á sýnum framboðslistum og gaf út bækling á fjölmörgum tungumálu þar sem helstu áherslur flokksins komu fram.

. Við í Frjálslynda flokknum viljum hafa skýr lög og stefnu varðandi innflytjendamálin í framtíðinni. Ekkert humm og ha. Hvað heyrum við ekki oft sagt í fréttum eftir undangeginn dóm. Það vantar skýran lagaramma, það eru engar reglugerðir til að styðjast við o.s.frv.

Alþingi Íslending var endurreist og kom saman 1. júlí árið 1845. Þá var skýlaus krafa frá Jóni Sigurðssyni og hans mönnum, að þingmenn allir skulu tala íslensku, öll álit skal rita á íslensku svo og gjörðarbækur þingsins. Konungsfulltrúa er þó leyft að tala dönsku, en þá ber aðstoðarmanni hans að þýða fyrir þingmönnum á íslensku. Hvers vegna var þetta svo mikilvægt? Þeir sem þekkja sögu Íslands vita, að það var ekki vegna þess að Íslendingar kunnu ekki dönsku. Svari hver fyrir sig.

Hafið þið lent í því að fara í bakarí nýverið til að kaupa snúð? Ég ætla að fá einn snúð! Engin viðbrögð frá agreiðslufólkinu. Vandræðaleg þögn. Það kemur í ljós að ég þarf að biðja um snúðinn á ensku. Maður fer að hugsa hvað er snúður á ensku. Hverju líkist snúður svo hægt sé að krafla sig út úr þessu. Það eina sem mér datt í hug var væn kúadella hringlaga og gárót. Ég fékk snúðinn með því að nota fingra mál.

Höfundur skipar 9. sæti á lista Frjálslynda flokksins í Reykjavíkurkjördæmi norður.

Björgvin Vídalín Arngrímsson