Ólafur tilnefndur sem leikmaður ársins

Ólafur Stefánsson er einn sjö handboltamanna sem Alþjóða Handknattleikssambandið hefur tilnefnt sem leikmenn ársins. Allir geta gefið Ólafi sitt atkvæði með því að fara inn á heimasíðu sambandsins eða með því að smella á hlekkinn hér í fréttinni.

Ólafur er vel verðugur þessarar nafnbótar en hann átti sem kunnugt er gott ár með landsliði Íslands þrátt fyrir að eiga við mjög erfið meiðsli að stríða. Rúsínan í pylsuendanum var þó án efa frammistaða hans með liði Ciudad í Meistaradeild Evrópu, þar sem Ólafur var besti maður liðsins í úrslitaleiknum. Smelltu hér til að gefa Ólafi þitt atkvæði.