Ný stjórn skipuð hjá Ríkisútvarpinu ohf.

Ný stjórn Ríkisútvarpsins ohf, hefur verið skipuð. Í henni sitja Kristín Edwald, Páll Magnússon og Ómar Benediktsson, Svanhildur Kaaber og Jón Ásgeir Sigurðsson. Allir flokkar á Alþingi komu að því að skipa í stjórnina, sem er kosin til eins árs.

Í lögum um Ríkisútvarpið segir að stjórnin megi ekki, hvorki beint né óbeint, inna af hendi nokkurt starf, taka við greiðslu eða hafa nokkurra hagsmuna að gæta í öðrum fjölmiðlafyrirtækjum eða fjölmiðlatengdum fyrirtækjum sem leitt geti til árekstra við hagsmuni Ríkisútvarpsins.