Valur og HK unnu bæði leiki sína

Staða efstu liða í DHL-deild karla í handbolta breyttist ekkert eftir leiki dagsins því Valur og HK unnu bæði leiki sína í dag. Valsarar höfðu betur gegn Íslandsmeisturum Fram í Safamýrinni, 27-26, og í Digranesinu vann HK ungt lið ÍR með sannfærandi hætti, 36-31.

Valur er með 18 stig í efsta sæti en HK kemur næst með 17 stig. Þessi tvö lið virðast ætla að heyja einvígi um Íslandsmeistaratitilinn því nokkuð lang er í næsta lið, Stjörnuna, en það hefur hlotið 14 stig.