Vefur FME endurnýjaður

Fjármálaeftirlitið hefur opnað nýjan og endurbættan vef á vefslóðinni www.fme.is.

Á vefnum er haft eftir Jónasi Fr. Jónssyni, forstjóra Fjármálaeftirlitsins, að nýi vefurinn verði í frekari þróun næstu misserin, en hann gegni lykilhlutverki í framkvæmd upplýsingatæknistefnu eftirlitsins. „Þar sem megináhersla verður lögð á að auka skilvirkni og gæði með rafvæðingu samskiptaferla við eftirlitsskylda aðila,“ er haft eftir Jónasi.

Á nýja vefnum geta eftirlitsskyldir aðilar skráð sig inn í gagnaskilakerfi Fjármálaeftirlitsins og þannig skilað ýmsum skýrslum og innherjalistum með rafrænum hætti.