Stórleikur á Ásvöllum í dag

Tveir leikir verða í N1 deild karla í handbolta í dag. Stórleikur verður á Ásvöllum þegar Haukar og Stjarnan eigast við. Í Vestmannaeyjum tekur ÍBV á móti HK og vonast til að ná í sín fyrstu stig. Báðir leikirnir hefjast klukkan 16.

Haukar og Stjarnan hafa bæði unnið þrjá af fjórum leikjum sínum í deildinni til þessa og eru við topp deildarinnar. Hátíðarhöld verða í kringum leikinn þar sem nýtt Haukalag verður frumflutt og boðið upp á andlitsmálun.

ÍBV er eina stigalausa liðið í deildinni til þessa en HK hefur krækt í fimm stig úr fjórum leikjum.