Skíðasvæði á Akureyri og Siglufirði opin

Skíðasvæði á Akureyri og Siglufirði eru opin í dag. Færi á báðum stöðum ber merki vorsins. Það er blautt og þungt en veður gott. Í Hlíðarfjalli er sól og blíða og í tilkynningu segir að þótt færi sé þungt, sé hægt að njóta veðurblíðunnar og fuglasöngsins í fjallinu.

Reiknað er með að þetta sé síðasta helgin sem opið verður í Hlíðarfjalli í vetur. Dagurinn í dag er 135. opnunardagurinn á vetrinum og er það met í fjallinu.

Skíðasvæðinu í Bláfjöllum hefur verið lokað eftir veturinn.