Icelandic Group undir spám

Hagnaður Icelandic Group nam 2,3 milljónum evra, jafnvirði 191,8 milljóna króna, á fyrsta ársfjórðungi. Þetta er tvöfalt betri afkoma en í fyrra þegar hagnaðurinn nam um 84,6 milljónum króna. Afkoman er engu að síður undir væntingum.

Hagnaður (EBITDA) fyrir skatta og afskriftir nam tæpum 1,2 milljörðum króna á tímabilinu samanborið við 875,7 milljónir króna árið á undan.

Björgólfur Jóhannsson, forstjóri Icelandic Group, segir mikla og erfiða vinnu hafa staðið yfir á rekstri félagsins. Muni árangurinn halda áfram að skila sér á næstu misserum.