Á tónleikaferð um Evrópu

Söngvarinn og Eurovision-hetjan Eiríkur Hauksson fer í tónleikaferðalag um Evrópu í vor með hljómsveitinni Live Fire and the All Viking Band.

Forsprakki sveitarinnar er Ken Hensley, einn af upprunalegum meðlimum rokksveitarinnar fornfrægu Uriah Heep, sem heldur tónleika í Laugardalshöll 27. maí ásamt Deep Purple. Hætti hann í sveitinni árið 1980. Tónleikar í Noregi„Þetta átti að fara í gang um miðjan mars. Ken Hensley er að koma með nýja plötu og bók og þeirri útgáfu var frestað til 27. apríl. Þá ákváðum við að fresta þessari Evrópuferð til að fá plötufyrirtæki til að styrkja okkur," segir Eiríkur Hauksson. Til að hita upp fyrir Evrópuferðina mun hljómsveitin halda tvenna tónleika í Noregi dagana 9. og 10. mars. Orðinn aðalsöngvariEiríkur kynntist Hensley þegar hann bað hann um að syngja og spila á gítar með hljómsveit sem gæti spilað lög Uriah Heep á Norðurlöndunum. Eiríkur þáði boðið og fór með henni í tveggja vikna tónleikaferð í nóvember og desember árið 2005. Í fyrra hafði Hensley síðan aftur samband við Eirík og vildi láta hann taka yfir bróðurpartinn af söngnum.

„Þetta er mikill heiður og svo rosalega gaman líka. Maður er að syngja lög sem maður kunni þegar maður var ellefu ára," segir Eiríkur. „Ég er ekki alveg hlutlaus en mér finnst þetta vera meira Uriah Heep. Hensley átti sjötíu prósent af öllum lögunum með Uriah Heep og hann er ekki allt of hrifinn af þessari hljómsveit sem er núna í gangi." Hensley ánægðurAðeins tveir upprunalegir meðlimir Uriah Heep eru í hljómsveitinni sem spilar í Höllinni síðar á árinu og á annar þeirra nafnið Uriah Heep.

„Hensley er alveg uppveðraður með þetta nýja band. Hann segir að þetta hljómi eins og Uriah Heep hefði átt að hljóma ef þeir hefðu ekki verið svona fullir og dópaðir," segir Eiríkur.

freyr@frettabladid.is