Bayern Munchen er sigurstranglegast

Fabio Capello, stjóri ítölsku meistaranna í Juventus, segir að Bayern Munchen sé sigurstranglegasta liðið í Meistaradeildinni af þeirri einföldu ástæðu að liðið hafi notið þess að fá langt vetrarfrí öfugt við liðin á Ítalíu, Spáni og Englandi.

"Ég lít þannig á að Bayern sé sigurstranglegasta liðið í keppninni og því kæmi það mér ekkert á óvart ef við lentum á móti þeim í úrslitaleiknum. Leikmenn liðsins hafa fengið langa og góða hvíld í vetrarfríinu og það kemur til með að vega þungt í vor," sagði Capello.