Sigurður Sveinsson hættur hjá Fylki

Stjórn handknattleiksdeildar Fylkis og Sigurður Sveinsson komust í dag að samkomulagi um að Sigurður léti af störfum sem þjálfari liðsins. Gengi Fylkis hefur valdið miklum vonbrigðum það sem af er leiktíðinni og er í næst neðsta sæti deildarinnar. Liðið hefur tapað fimm leikjum í röð, nú síðast fyrir Val um helgina. Fjallað verður um málið í íþróttafréttum Stöðvar 2 í kvöld.

Sigmundur Lárusson mun stýra liði Fylkis í að minnsta kosti tveimur næstu leikjum liðsins eða þangað til eftirmaður Sigurðar finnst.