Actavis styrkir Youth in Europe í Vilnius

Actavis styrkir forvarnarverkefnið "Youth in Europe" í Vilnius. Samstarfssamningur þess efnis var undirritaður um helgina í höfuðstöðvum Actavis í Hafnarfirði.

Svafa Grönfeldt, aðstoðarforstjóri Actavis og Arturas Zuokas borgarstjóri Vilnius undirrituðu samninginn, sem er til fimm ára. Ólafur Ragnar Grímsson, forseti Íslands og Vilhjálmur Vilhjálmsson, borgarstjóri Reykjavíkur voru viðstaddir undirritunina en forsetinn er verndari verkefnisins og Reykjavíkurborg leiðir samstarfið.

Actavis er aðal styrktaraðili verkefnisins og mun styrkja rannsóknir og forvarnaátak á vegum verkefnisins í fimm borgum; Vilnius, Belgrad, Sofíu, Istanbúl og St. Pétursborg. Fyrirtækið leggur einnig fjármuni til rannsóknaþáttarins á Íslandi.

Forvarnarverkefnið Youth in Europe- A drug Prevention Programme er samstarfsverkefni evrópskra borga. Markmið verkefnisins er að rannsaka fíkniefnaneyslu evrópskra ungmenna, bera saman ólíkar forvarnaraðgerðir og virkja stofnanir og almenning til aðgerða gegn fíkniefnavá. Verkefninu er stýrt frá Íslandi.