Innlent

Á leið inn á Alþingi á ný þremur árum eftir fangelsisvist

Þremur árum eftir að Árni Johnsen losnaði úr fangelsi fyrir fjárdrátt og mútuþægni er hann á leið inn á Alþingi á ný. Árni kvaðst í dag kjósa að gleyma því sem liðið er en sækjast í það sem er fram undan.

Endurkoma Árna Johnsen inn á vettvang stjórnmálanna telst ein stærsta frétt helgarinnar en hann neyddist til að segja af sér þingmennsku fyrir fimm árum eftir að hann varð uppvís af margvíslegum afbrotum. Fyrir fjárdrátt, mútuþægni, umboðssvik og ranga skýrslugjöf var hann í Hæstarétti dæmdur til tveggja ára fangelsisvistar sem hann afplánaði að mestu á Kvíabryggju á Snæfellsnesi.

Þjóðarathygli vakti þegar hann lauk afplánun þar fyrir þremur árum og tók með sér afrakstur refsivistarinnar, en fimm vörubíla þurfti til að koma þaðan tugum höggmynda sem Árni hafði smíðað.

Síðastliðið sumar veittu handhafar forsetavalds honum formlega uppreisn æru og óhætt er að segja að kjósendur í prófkjöri sjálfstæðismanna hafi sömuleiðis veitt honum uppreisn í gær. Árni þakkar stuðningsmönnum sínum en kýs að gleyma því sem liðið er en sækjast fremur í það sem er fram undan.

Fréttir Innlent Stj.mál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið