Dótturfélög Avion færa út kvíarnar

Star Airlines, dótturfélag Avion Group, hefur fest kaup á franska fyrirtækinu Crystal sem sérhæfir sig í heildsölu ferða á Netinu. Crystal hefur á skömmum tíma skapað sér leiðandi stöðu í Frakklandi, en farþegar félagsins voru 32.000 á síðasta ári.

Í gær var tilkynnt um leigu Star Europe, annars dótturfélags Avion Group, á farþegaflugvél til stærsta ferðaþjónustufyrirtæki Þýskalands. Það lítur því út fyrir að dótturfélög Avion séu að komast í sterka stöðu á ferðaþjónustumarkaðnum í Evrópu.