Strangari kröfur um lán á Grikklandi

Nicholas Garganas, bankastjóri Seðlabanka Grikklands, tilkynnti í dag að í bígerð sé að setja bönkum strangari reglur um lánveitingar. Breytingin er í samræmi við reglur Evrópusambandsins um alþjóðlega bankastarfsemi en með henni er horft til þess að minnka áhættu banka í lánveitingum.

Garganas sagði jafnframt neytendalánum hafi fjölgað mikið og að 53 prósent heimila í landinu hefðu átt í vandræðum með að greiða af lánum sínum. „Vissulega mun kostnaður banka aukast vegna þessa en til langs tíma litið munu „slæmum" lánum fækka og því er breytingin þeim til hagsbóta," sagði hann.