Það er fínt líf eftir pólitík

„Mér líður bara mjög vel," sagði Guðrún Ögmundsdóttir, þingkona Samfylkingarinnar, þegar hún var innt eftir því hvernig hún hefði það eftir að fyrstu tölur sýndu að hún væri ekki meðal átta efstu frambjóðenda í prófkjöri Samfylkingarinnar í Reykjavík. Hún er það heldur ekki þegar aðeins á eftir að telja um 300 atkvæði. „Ef það fer svo þá get ég sagt þér að það er fínt líf eftir pólitík, ég hef verið í lífinu áður en ég fór á þing en við sjáum hvað setur," sagði Guðrún.