Handtóku grunaða hryðjuverkamenn

Lögregla á Spáni hefur handtekið sextán grunaða íslamska öfgamenn. Þar af eru ellefu tengdir Osama bin Laden, leiðtoga al-Qaida, að sögn talsmanns spænska innanríkisráðuneytisins. Hinir fimm eru sagðir tengjast hryðjuverkunum í Madríd þann 11. mars á síðasta ári. Fimm hundruð lögreglumenn tóku þátt í aðgerðunum sem leiddu til handtöku mannanna. Alls hafa um 200 meintir íslamskir hryðjuverkamenn verið handteknir á Spáni í tengslum við níu sjálfstæðar rannsóknir á starfsemi þeirra.