Persson fengið nóg af brjóstum

Göran Persson, forsætisráðherra Svíþjóðar, hefur fengið nóg af myndum af berbrjósta konum í sænskum fjölmiðlum og boðar lagasetningu sem takmarkar slíkar myndbirtingar. Hann vill skoða leiðir til að koma í veg fyrir sömu þróun og í Bretlandi þar sem fáklæddar konur tröllríða tímaritum og dagblöðum. Þótt Svíþjóð sé það land í heiminum þar sem staða kynjanna er hvað jöfnust telur Persson að ekki megi sofna á verðinum. Hann segir myndbirtingar af fáklæddum konum niðurlægjandi og líkastar klámi hjá sumum götublöðunum. Sænska Aftonbladet hefur gagnrýnt lagasetninguna og segir að um ritskoðun sé að ræða.