Ætlar ekki að hætta

Sir Alex Ferguson, knattspyrnustjóri Manchester United, hefur nú tekið af allan vafa um framtíð sína í þjálfarastólnum og segist ætla að halda áfram að stýra liðinu þangað til liðið nær að rétta úr kútnum.

"Ég hætti ekki fyrr en liðið nær að rétta úr kútnum," sagði Ferguson við The Sun. "Það verður erfitt, því það er orðið erfiðara en nokkru sinni fyrr að ná árangri í þessari deild og ekki bara vegna árangurs Chelsea, heldur er barátta botnliðanna til að halda sér uppi orðin meiri en nokkru sinni fyrr. Ég læt þó hvergi bugast og ég er eins einbeittur og ákveðinn og ég hef nokkru sinni verið. Ég hlakka mikið til baráttunnar á næsta ári," sagði Ferguson.