Verðbólga eilítið hærri en á EES

Samræmd vísitala neysluverðs í EES-ríkjum var 116,9 stig í mars og hækkaði um hálft prósent frá febrúar. Á sama tíma var vísitalan fyrir Ísland 129,8 stig, hækkaði um 0,4 prósent frá fyrra mánuði. Frá mars 2004 til jafnlengdar árið 2005 var verðbólgan að meðaltali tvö prósent í ríkjum EES en hún var 2,1 prósent á evrusvæðinu og 2,5 prósent á Íslandi. Mesta verðbólga á Evrópska efnahagssvæðinu á þessu tólf mánaða tímabili var 6,6 prósent í Lettlandi og 4,8 prósent í Eistlandi. Minnst var verðbólgan hálft prósent í Svíþjóð og 0,9 prósent í Finnlandi.