"U" flysjara í öll eldhús 20. janúar 2005 00:01 Óskar Guðjónsson saxófónleikari, heldur mest upp á flysjarann sinn af öllu sínu heimilisdóti. "Ég keypti þennan flysjara í Ameríku í skemmtilegri búsáhaldabúðakeðju sem heitir Williams and Samona. Hann er óvenjulegur að því leyti að hann er eins og "u" í laginu svo maður ber sig öðruvísi að við flysjunina og mér finnst hann virka betur en aðrir flysjarar. Flysjarinn er af tegundinni Kuhn og hann er í uppáhaldi, einfaldlega af því að mér finnst svo gaman að elda. Ég flysja helst sætar kartöflur, gulrætur, ávexti og meira að segja lárperuna mína. Ég á tíu mánaða strák sem borðar ekki fasta fæðu en þeim mun meira af mauki og þá er nauðsynlegt að eiga góðan flysjara. Ég hef farið fram á það við eigendur búsáhaldaverslunar hér í bæ að fara að flytja svona inn því þessi hefur mikið verið notaður og ég er hræddur um að ég fái ekki annan í hans stað ef hann fer að gefa sig." Óskar er einn þekktasti og vinsælasti saxófónleikari landsins og alltaf með eitthvað í pípunum. Þó segir hann yfirleitt frekar rólegt hjá tónlistarmönnum í janúar. "Í janúar eru tónlistarmenn að jafna sig eftir erilinn í desember og skipuleggja árið framundan. Árið er ekkert mikið skipulagt hjá mér enn sem komið er en það verður örugglega gaman. Konan mín, Guðbjörg, er nýbúin að opna förðunarskóla sem heitir EMM og við höfum verið upptekin af ýmsu þar að lútandi undanfarið. Hún varð þrítug um daginn og ég eldaði nautalundir og flysjaði ýmislegt meðlæti handa henni í tilefni dagsins." Matur Mest lesið „Og ég varð snargeðveikur“ Lífið „Ég þurfti að breyta hugsun, hegðun og tali“ Áskorun „Þetta breytti því hvernig ég upplifi sjálfa mig og heiminn í kringum mig“ Lífið Krakkatían: Reikistjörnur, regnbogar og kengúrur Lífið Fjölmenni á sjötíu ára afmæli Kópavogs Lífið Bók skilað eftir 56 ára útlán Lífið Stjörnufans í sumarselskap Lífið Hugmyndir fyrir mæðradaginn Lífið Söngvakeppnin og stríðsrekstur Ísraels: „Ég er stolt af landinu mínu“ Lífið Fréttatía vikunnar: Páfakjör, poppstjarna og nýr kanslari Lífið
Óskar Guðjónsson saxófónleikari, heldur mest upp á flysjarann sinn af öllu sínu heimilisdóti. "Ég keypti þennan flysjara í Ameríku í skemmtilegri búsáhaldabúðakeðju sem heitir Williams and Samona. Hann er óvenjulegur að því leyti að hann er eins og "u" í laginu svo maður ber sig öðruvísi að við flysjunina og mér finnst hann virka betur en aðrir flysjarar. Flysjarinn er af tegundinni Kuhn og hann er í uppáhaldi, einfaldlega af því að mér finnst svo gaman að elda. Ég flysja helst sætar kartöflur, gulrætur, ávexti og meira að segja lárperuna mína. Ég á tíu mánaða strák sem borðar ekki fasta fæðu en þeim mun meira af mauki og þá er nauðsynlegt að eiga góðan flysjara. Ég hef farið fram á það við eigendur búsáhaldaverslunar hér í bæ að fara að flytja svona inn því þessi hefur mikið verið notaður og ég er hræddur um að ég fái ekki annan í hans stað ef hann fer að gefa sig." Óskar er einn þekktasti og vinsælasti saxófónleikari landsins og alltaf með eitthvað í pípunum. Þó segir hann yfirleitt frekar rólegt hjá tónlistarmönnum í janúar. "Í janúar eru tónlistarmenn að jafna sig eftir erilinn í desember og skipuleggja árið framundan. Árið er ekkert mikið skipulagt hjá mér enn sem komið er en það verður örugglega gaman. Konan mín, Guðbjörg, er nýbúin að opna förðunarskóla sem heitir EMM og við höfum verið upptekin af ýmsu þar að lútandi undanfarið. Hún varð þrítug um daginn og ég eldaði nautalundir og flysjaði ýmislegt meðlæti handa henni í tilefni dagsins."
Matur Mest lesið „Og ég varð snargeðveikur“ Lífið „Ég þurfti að breyta hugsun, hegðun og tali“ Áskorun „Þetta breytti því hvernig ég upplifi sjálfa mig og heiminn í kringum mig“ Lífið Krakkatían: Reikistjörnur, regnbogar og kengúrur Lífið Fjölmenni á sjötíu ára afmæli Kópavogs Lífið Bók skilað eftir 56 ára útlán Lífið Stjörnufans í sumarselskap Lífið Hugmyndir fyrir mæðradaginn Lífið Söngvakeppnin og stríðsrekstur Ísraels: „Ég er stolt af landinu mínu“ Lífið Fréttatía vikunnar: Páfakjör, poppstjarna og nýr kanslari Lífið