Á þriðja milljarð eftir skatta

Hagnaður Bakkavarar fyrir skatta nam þremur milljörðum króna á fyrstu níu mánuðum ársins, 2,3 milljörðum eftir skatta. Hagnaður félagsins á þriðja ársfjórðungi nam 971 milljón króna en rekstrarhagnaður fyrir afskriftir nam tæpum þremur milljörðum króna.

Bakkavör hefur tekið miklum breytingum eftir kaup á breska matvælafyrirtækinu Geest og sami ársfjórðungur í fyrra því ekki samanburðarhæfur. Eignir félagsins nema nú 112 milljörðum króna. Lýður Guðmundsson, forstjóri Bakkavarar, segir í tilkynningu að uppgjörið sýni áframhaldandi velgengni félagsins eftir yfirtöku félagsins á Geest í maí síðastliðnum. Bakkavör er leiðandi fyrirtæki í framleiðslu tilbúinna matvæla í Bretlandi.