Þjófnaður á póstinum verður kærður 25. september 2005 00:01 Jónína Benediktsdóttir segir að þjófnaður á persónulegum tölvupósti hennar verði kærður til lögreglu í dag. Fyrirtækið Og Vodafone hýsi tölvupóst hennar en hún kunni engar skýringar á því hvernig hann komst í hendur fjölmiðla. Hana gruni helst að farið hafi verið inn á „server" eða vistunarsvæði þar sem póstinn var að finna. Hún segir þetta refsilagabrot og lögfræðingar muni vinna í málinu. Spurð hvort hún telji að þetta tengist málinu segist Jónína þekkja sitt heimafólk. Jónína segir þetta ekki í fyrsta sinn sem vitnað sé í persónuleg tölvubréf sem tengist málinu. Hreinn Loftsson, stjórnarformaður Baugs, hafi t.a.m. vitnað orðrétt í tölvupóst sem fór á milli Jóns Geralds og blaðamanns Viðskiptablaðsins. Sá póstur hafi verið vistaður á X-net sem Jón Ásgeir ráði algerlega yfir, að sögn Jónínu. Jónína segir þó ekkert í málinu sem hún geti ekki staðið við. Hún hafi rætt við fjölmarga aðra um málið fyrri hluta ársins 2002 en séu nafngreindir í þeim tölvubréfum sem Fréttablaðið hafi kosið að birta, þar á meðal Ingibjörgu Sólrúnu Gísladóttur, Stefán Jón Hafstein, Sigmund Erni Rúnarsson og fleiri. Jónína segir að áður en hún hafi rætt málið við Styrmi Gunnarssyni, ritstjóra Morgunblaðsins, hafi hún leitað ráða hjá öðrum, t.d. Sigmundi Erni, fréttastjóra Stöðvar 2, sem hún segir örugglega vita meira um viðskiptahætti Baugsmanna en nokkur annar á Íslandi. „Ég sat inni hjá honum í klukkutíma og hann var fyrstur manna til þess að heyra mínar áhyggjur um það hvernig þeir ætluðu að sölsa undir sig fyrirtæki og koma mönnum frá. Og hann hvatti mig til að halda áfram með málið," segir Jónína. Þá hafi hún boðið Ingibjörgu Sólrúnu og Stefáni Jóni heim til sín þar sem hún sýndi þeim tölvupóst frá Tryggva Jónssyni til Jóns Geralds. Jónína segir þau ekki hafa átt orð til að lýsa því hvers konar hugsunarhátttur væri þarna á ferð. Ennfremur hafi hún rætt málið við Björgólf Guðmundsson. Jónína segist hafa viljað aðstoða Jón Gerald sem hafi séð fram á að missa aleiguna eftir þrettán ára starf fyrir Baugsfeðga. Þess vegna hafi hún hringt í Styrmi til að spyrja hvort hann vissi um einhvern lögfræðing og hann hafi nefnt einhver nöfn, þ.á.m. Jóns Steinars sem Jónína hafi svo látið Jón Gerald vita af. Hann hafi hins vegar orðið efins til að byrja með vegna vinskapar Jóns Steinars og Davíðs Oddssonar, formanns Sjálfstæðisflokksins og þáverandi forsætisráðherra, því hann þóttist vita að Tryggvi Jónsson og Hreinn Loftsson hefðu slík ítök inn í Sjálfstæðisflokkinn að honum yrði einfaldlega vísað frá. Aðspurð hvort sá Davíð sem nefndur sé í tölvupóstunum og Jónína vildi að hringdi í Jón Gerald sé Davíð Oddsson segir Jónína svo vera. Hann hafi aftur á móti aldrei hringt í Jón Gerald. Spurð hvort Davíð hafi brugðist á einhvern hátt við tilmælunum segir Jónína að hún hafi sjálf reynt að ná athygli hans með því að senda honum tölvupóst en Illugi Gunnarsson, aðstoðarmaður þáverandi forsætisráðherra, hafi endursent póstinn þar sem hann sagði að hann neitaði að opna skeytið og sagði að þetta væri ekki mál sem forsætisráðherra skipti sér af. Styrmir Gunnarsson, ritstjóri Morgunblaðsins, hefur sjálfur sagt að hans eina aðkoma að málinu hafi verið að vísa Jónínu og Jóni Gerald á lögfræðinginn Jón Steinar. Honum til ráðgjafar hafi verið vinur hans, Kjartan Gunnarsson, framkvæmdastjóri Sjálfstæðisflokksins. Jónína segir að það hefði verið siðferðilega rangt af henni að þegja yfir því hvernig henni fyndist forsvarsmenn Baugs „vera að sölsa undir sig allt landið". Jónína segir málið hafa lengri aðdraganda en fréttirnar gefi í skyn. Hún hafi þvert á móti gagnrýnt sjálfstæðismenn fyrir að sýna málinu ekki nægan áhuga og Morgunblaðið fyrir að fara of mjúkum höndum um feðgana. „Styrmir Gunnarsson er með öll gögnin og hann hlífir þeim alla daga,“ segir Jónína. Baugsmálið Fréttir Innlent Lög og regla Mest lesið Sveitarstjórn reyni að skrá íbúa úr sveitarfélaginu og ógni grundvallarréttindum Innlent Lögregla kölluð til eftir að bremsuvírar voru klipptir á reiðhjólum barna Innlent Skoða að efla geðheilbrigðisþjónustu á Austurlandi eftir röð áfalla Innlent Hleypur 110 kílómetra á dag til að setja heimsmet Innlent Kjölur ekki á dagskrá Innlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent „Mér hefur aldrei verið sýnd jafn mikil vanvirðing“ Innlent Yfirgefið hreysi víkur fyrir hundrað íbúðum Innlent Fleiri fréttir Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Sjá meira
Jónína Benediktsdóttir segir að þjófnaður á persónulegum tölvupósti hennar verði kærður til lögreglu í dag. Fyrirtækið Og Vodafone hýsi tölvupóst hennar en hún kunni engar skýringar á því hvernig hann komst í hendur fjölmiðla. Hana gruni helst að farið hafi verið inn á „server" eða vistunarsvæði þar sem póstinn var að finna. Hún segir þetta refsilagabrot og lögfræðingar muni vinna í málinu. Spurð hvort hún telji að þetta tengist málinu segist Jónína þekkja sitt heimafólk. Jónína segir þetta ekki í fyrsta sinn sem vitnað sé í persónuleg tölvubréf sem tengist málinu. Hreinn Loftsson, stjórnarformaður Baugs, hafi t.a.m. vitnað orðrétt í tölvupóst sem fór á milli Jóns Geralds og blaðamanns Viðskiptablaðsins. Sá póstur hafi verið vistaður á X-net sem Jón Ásgeir ráði algerlega yfir, að sögn Jónínu. Jónína segir þó ekkert í málinu sem hún geti ekki staðið við. Hún hafi rætt við fjölmarga aðra um málið fyrri hluta ársins 2002 en séu nafngreindir í þeim tölvubréfum sem Fréttablaðið hafi kosið að birta, þar á meðal Ingibjörgu Sólrúnu Gísladóttur, Stefán Jón Hafstein, Sigmund Erni Rúnarsson og fleiri. Jónína segir að áður en hún hafi rætt málið við Styrmi Gunnarssyni, ritstjóra Morgunblaðsins, hafi hún leitað ráða hjá öðrum, t.d. Sigmundi Erni, fréttastjóra Stöðvar 2, sem hún segir örugglega vita meira um viðskiptahætti Baugsmanna en nokkur annar á Íslandi. „Ég sat inni hjá honum í klukkutíma og hann var fyrstur manna til þess að heyra mínar áhyggjur um það hvernig þeir ætluðu að sölsa undir sig fyrirtæki og koma mönnum frá. Og hann hvatti mig til að halda áfram með málið," segir Jónína. Þá hafi hún boðið Ingibjörgu Sólrúnu og Stefáni Jóni heim til sín þar sem hún sýndi þeim tölvupóst frá Tryggva Jónssyni til Jóns Geralds. Jónína segir þau ekki hafa átt orð til að lýsa því hvers konar hugsunarhátttur væri þarna á ferð. Ennfremur hafi hún rætt málið við Björgólf Guðmundsson. Jónína segist hafa viljað aðstoða Jón Gerald sem hafi séð fram á að missa aleiguna eftir þrettán ára starf fyrir Baugsfeðga. Þess vegna hafi hún hringt í Styrmi til að spyrja hvort hann vissi um einhvern lögfræðing og hann hafi nefnt einhver nöfn, þ.á.m. Jóns Steinars sem Jónína hafi svo látið Jón Gerald vita af. Hann hafi hins vegar orðið efins til að byrja með vegna vinskapar Jóns Steinars og Davíðs Oddssonar, formanns Sjálfstæðisflokksins og þáverandi forsætisráðherra, því hann þóttist vita að Tryggvi Jónsson og Hreinn Loftsson hefðu slík ítök inn í Sjálfstæðisflokkinn að honum yrði einfaldlega vísað frá. Aðspurð hvort sá Davíð sem nefndur sé í tölvupóstunum og Jónína vildi að hringdi í Jón Gerald sé Davíð Oddsson segir Jónína svo vera. Hann hafi aftur á móti aldrei hringt í Jón Gerald. Spurð hvort Davíð hafi brugðist á einhvern hátt við tilmælunum segir Jónína að hún hafi sjálf reynt að ná athygli hans með því að senda honum tölvupóst en Illugi Gunnarsson, aðstoðarmaður þáverandi forsætisráðherra, hafi endursent póstinn þar sem hann sagði að hann neitaði að opna skeytið og sagði að þetta væri ekki mál sem forsætisráðherra skipti sér af. Styrmir Gunnarsson, ritstjóri Morgunblaðsins, hefur sjálfur sagt að hans eina aðkoma að málinu hafi verið að vísa Jónínu og Jóni Gerald á lögfræðinginn Jón Steinar. Honum til ráðgjafar hafi verið vinur hans, Kjartan Gunnarsson, framkvæmdastjóri Sjálfstæðisflokksins. Jónína segir að það hefði verið siðferðilega rangt af henni að þegja yfir því hvernig henni fyndist forsvarsmenn Baugs „vera að sölsa undir sig allt landið". Jónína segir málið hafa lengri aðdraganda en fréttirnar gefi í skyn. Hún hafi þvert á móti gagnrýnt sjálfstæðismenn fyrir að sýna málinu ekki nægan áhuga og Morgunblaðið fyrir að fara of mjúkum höndum um feðgana. „Styrmir Gunnarsson er með öll gögnin og hann hlífir þeim alla daga,“ segir Jónína.
Baugsmálið Fréttir Innlent Lög og regla Mest lesið Sveitarstjórn reyni að skrá íbúa úr sveitarfélaginu og ógni grundvallarréttindum Innlent Lögregla kölluð til eftir að bremsuvírar voru klipptir á reiðhjólum barna Innlent Skoða að efla geðheilbrigðisþjónustu á Austurlandi eftir röð áfalla Innlent Hleypur 110 kílómetra á dag til að setja heimsmet Innlent Kjölur ekki á dagskrá Innlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent „Mér hefur aldrei verið sýnd jafn mikil vanvirðing“ Innlent Yfirgefið hreysi víkur fyrir hundrað íbúðum Innlent Fleiri fréttir Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Sjá meira