Hollywood vill HD-DVD

Barátta stendur nú milli tæknifyrirtækja um hvað tækni skuli notuð við miðlun bíómynda. Tvær aðferðir hafa verið þróðaðar en talið er víst að aðeins önnur þeirra nái verulegri fótfestu. Annars vegar er um að ræða tækni sem kallast HD DVD sem Toshiba hefur þróað. Sú tækni byggist að miklu leyti á núverandi framleiðsluaðferðum og því er búist við að kostnaður við útgáfu efnis og tækja verði ekki mjög hár þegar framleiðsla hefst. Hópur annarra tæknifyrirtækja hefur þróað tækni sem kallast Blu-ray. Meðal framleiðenda sem veðja á þá tækni eru Sony og Panasonic. Sú tækni felur í sér að hægt er að vista meira efni á einum disk og því er unnt að spila bíómyndir með meiri myndgæðum. Í gær tilkynntu þrjú kvikmyndaver í Hollywood að þau hyggðust bjóða myndir sínar á HD DVD formi. Þetta gæti reynst mikilvægt veganesti fyrir Toshiba þegar framleiðsla á afspilunartækjum hefst undir lok næsta árs.