Barátta um Disney

Baráttan um völdin í einu þekktasta fyrirtæki heims, Walt Disney fölmiðlaveldinu, er enn í fullum gangi. Roy Disney, sonur Walts heitins, fer fremstur í flokki fjárfesta sem unnið hafa að því að steypa Michael Eisner forstjóra úr stóli. Á síðasta aðalfundi greiddu 45 prósent hlutafjáreigenda atkvæði gegn Eisner og fyrir vikið vék hann úr sæti stjórnarformanns þótt hann sé ennþá forstjóri. Í kjölfarið hefur félagið gert miklar breytingar í rekstrinum og hefur hagnaður þess tvöfaldast. Þrátt fyrir þetta eru hinir óánægðu fjárestar ekki af baki dottnir. Búist er við að önnur tilraun verði gerð til að ná tökum á stjórn félagsins á næsta aðalfundi en fram að því koma hinir ósáttu hluthafar skoðunum sínum á framfæri á heimasíðunni savedisney.com.