Innherji
„Algjört hrun á grænum orkumarkaði“ og færir niður virði bréfa í CRI um helming
Erfiðleikar í rekstri og „algjört hrun á grænum orkumarkaði“ veldur því að Sjóvá telur rétt að færa niður virði eignarhlutar síns í íslenska hátæknifyrirtækinu Carbon Recycling um helming. Lífeyrissjóðurinn Gildi er einn allra stærsti hluthafi CRI eftir að hafa fjárfest í félaginu fyrir vel á annan milljarð á sama tíma og Sjóvá fyrir meira en tveimur árum.
Fréttir í tímaröð
Telur að þrefalda þyrfti fjölda minni íbúða til að koma jafnvægi á markaðinn
Miðað við lýðþróunina hér á landi þá er þörf á því að byggja yfir 53 þúsund íbúðir á höfuðborgarsvæðinu sem eru minni en 80 fermetrar að stærð, þreföldun frá því sem nú er, þannig að hlutfall þeirra verði áþekkt því sem þekkist í höfuðborgum hinna Norðurlandanna og jafnvægi komist á markaðinn. Framkvæmdastjóri fasteignaþróunarfélagsins varar hins vegar við því að þróunin sé í öfuga átt og íbúðir í byggingu séu að stækka, ekki minnka.
Ef snúa á við rekstri Icelandair er nær ekkert svigrúm til launahækkana í dollar
Veiking Bandaríkjadals á liðnu ári hafði verulega neikvæð áhrif á afkomu Icelandair og skýrir að stórum hluta rekstrartap flugfélagsins þrátt fyrir ágætis tekjuvöxt og bata á fjórða ársfjórðungi, að sögn hlutabréfagreinanda. Verðmat á félaginu hækkar lítillega í nýrri greiningu en þar undirstrikað að ef stjórnendum á að takast að rétta við reksturinn þá er nær ekkert svigrúm fyrir launahækkunum í Bandaríkjadollar.
Sjóðastýringarisinn heldur áfram að minnka hlut sinn í Íslandsbanka
Stærsti erlendi fjárfestirinn í Íslandsbanka hefur á fáeinum vikum minnkað eignarhlut sinn um liðlega fimmtung, en milljarða salan hjá sjóðastýringarfélaginu kemur samhliða umfangsmiklum endurkaupum á eigin bréfum sem hafa staðið yfir hjá bankanum.
„Á rangri leið“ með háa raunvexti sem feli í sér tilfærslu fjármuna milli kynslóða
Áframhaldandi áhersla Seðlabankans á að viðhalda yfir þriggja prósenta raunvaxtaaðhaldi samhliða litlum sem engum hagvexti sýnir svo „ekki verður um villst“ að bankinn er á „fullkomlega rangri leið“, að mati forstjóra eins umsvifamesta fjárfestingafélags landsins, sem kallar eftir umræðu um hvað sé meðal annars eðlilegt raunvaxtastig og verðbólgumarkmið fyrir hagkerfið. Hann segir hið háa vaxtastig ekki vera neitt annað en tilfærsla á fjármunum milli kynslóða þar sem þeir sem eldri eru njóta ávinningsins í formi hærri ávöxtunar á innlán og ellilífeyri.
Horfur í rekstri Eimskips „krefjandi“ og verðmat á félaginu lækkar lítillega
Eimskip er nokkuð undirverðlagt á markaði samkvæmt nýrri hlutabréfagreiningu en félagið hefur þurft að ráðast í hagfræðingaraðgerðir til að mæta samdrætti og erfiðu ytra rekstrarumhverfi. Hlutabréfaverð Eimskips hefur fallið skarpt að undanförnu og ekki verið lægra frá því í árslok 2020.
Mest lesið
Myntbreyta
Mynt
Miðgengi
Upphæð
ISK1
GBP0
SEK0
USD0
EUR0
NOK0
DKK0
JPY0
Óttast samdrátt og atvinnuleysi sem ekki sé hægt að mæta með vaxtalækkun
Miðað við dekkri verðbólguspá til skamms tíma þá kallar hún „alls ekki“ á vaxtalækkun í bráð, að sögn seðlabankastjóra, sem varar við því að mögulega sé að teiknast upp sú staða að hagkerfið kunni að sigla í samdrátt og aukið atvinnuleysi sem ekki verði hægt að mæta með því að ráðast í lækkun vaxta. Seðlabankinn hefur ekki fengið neina kynningu á hugmyndum stjórnvalda um skref til afnáms verðtryggingar, meðal annars að gera kröfu um lágmarksafborgun inn á lán, og telur að slíkar aðgerðir ættu fremur að vera á borði fjármálastöðugleikanefndar.
Því lengur sem verðbólgan er yfir markmiði því meira rýrnar trúverðugleikinn
Með hliðsjón af verðbólguskoti síðustu mánaða og væntingum um betri hagvaxtarhorfur í ár þá kom mjúkur tónn í yfirlýsingu peningastefnunefndar á óvart, að sögn efnahagsráðgjafa IFS. Miðað við verri verðbólguhorfur til skamms tíma telja sumir hagfræðingar sennilegt að bíða þurfi fram í ágúst eftir næstu vaxtalækkun.
Vöxtum haldið óbreyttum og spennan í þjóðarbúinu er „horfin“
Þrátt fyrir aukningu í verðbólgu að undanförnu þá er hún talin vera tímabundin og því hafa verðbólguhorfur til lengri tíma lítið breyst, að sögn peningastefnunefndar Seðlabankans, sem heldur vöxtum óbreyttum í samræmi við væntingar flestra hagfræðinga. Samkvæmt nýrri spá er spennan í þjóðarbúinu horfin en samt útlit fyrir lítillega meiri hagvöxt í ár en áður var talið.
Vænta þess að tekjur Alvotech af vörusölu tvöfaldist frá fyrri fjórðungi
Útlit er fyrir að umtalsverður tekjuvöxtur hafi verið hjá Alvotech á síðasta ársfjórðungi, drifinn áfram aukinni vörusölu, sem ætti að þýða að heildartekjur ársins 2025 verði við efri mörk útgefinnar afkomuspár.
Aðeins nokkrum milljónum króna frá því að fara yfir tíu prósenta múrinn í Skaga
Eftir að hafa stækkað enn frekar við stöðu sína í Skaga í liðinni viku þá vantar núna aðeins nokkrar milljónir króna að markaðsviði upp á að fjárfestingafélag Bjarna Ármannssonar brjóti tíu prósenta múrinn sem myndi kalla á heimild til að fara með virkan eignarhlut í fjármálafyrirtækinu.
Hlé á vaxtalækkunarferlinu þar til skýr merki um verðbólguhjöðnun birtast
Mikil aukning verðbólgunnar að undanförnu, einkum vegna hækkunar bifreiðaverðs í kjölfar vörugjaldabreytinga, kallar á hlé á vaxtalækkunarferlinu þar frekari vísbendingar um hjöðnun fara að birtast, að sögn aðalhagfræðings Kviku. Verðbólgumælingin í janúar setur peningastefnunefnd í óþægilega stöðu en verðhækkanir á fremur breiðum grunni staðfesta sumpart áhyggjur hennar af kostnaðarþrýstingi af völdum mikilla launahækkana.
Viðsnúningur undir lok ársins þegar fjármagn streymdi í hlutabréfasjóði
Fjárfestar bættu talsvert við stöðu sína í innlendum hlutabréfasjóði undir lok síðasta árs sem þýddi að hreint flæði fyrir árið í heild sinni var rétt fyrir ofan núllið. Á undanförnum fjórum árum hafa fjárfestar hins vegar almennt sýnt hlutabréfasjóðum lítinn áhuga og beint fjármagni sínu fremur í áhættuminni eignir.
Olíusjóðurinn bætir við sig í íslenskum verðbréfum fyrir um tuttugu milljarða
Olíusjóður Noregs, stærsti fjárfestingarsjóður í ríkiseigu á heimsvísu, bætti verulega við stöðu sína í íslenskum ríkisskuldabréfum á liðnu ári en umfang verðbréfaeignar sjóðsins hér á landi er að nálgast sömu slóðir og þegar mest var fyrir tveimur áratugum.
Stóru sjóðirnir á söluhliðinni á fyrsta ári vel heppnaðs samruna JBT og Marels
Allir helstu íslensku lífeyrissjóðirnir voru á söluhliðinni á fyrsta árinu eftir risasamruna JBT og Marels, einkum tveir af stærstu sjóðum landsins, þegar þeir minnkuðu nokkuð stöðu sína í sameinuðu fyrirtæki og seldu fyrir samtals vel á annan tug milljarða króna. Afkoma félagsins hefur að undanförnu ítrekað verið umfram væntingar en mikil veiking Bandaríkjadals hefur litað ávöxtun innlendra fjárfesta í krónum.
Eik klárar sölu á einu lengsta skuldabréfi sem skráð félag hefur gefið út
Fasteignafélagið Eik lauk í gær útboði á nýjum verðtryggðum skuldabréfaflokki til fjörutíu ára, sem er á lokagjalddaga í febrúar árið 2066, en fá dæmi eru um að skráð félög hafi gefið út bréf með svo löngum líftíma á innlendum markaði.
Sameinaður sjóður yrði stærsti hluthafinn í fjölmörgum Kauphallarfélögum
Verði af sameiningu Lífeyrissjóðs verslunarmanna og Birtu, sem myndi búa til risastóran leikanda á íslenskum fjármálamarkaði, þá yrði sjóðurinn stærsti einstaki fjárfestirinn í fjölmörgum skráðum félögum og meðal annars fara með virkan eignarhlut í nokkrum fjármálafyrirtækjum.
„Tókst að kynda undir verðbólgubálið“ og útséð um vaxtalækkanir á næstunni
Með skattkerfisbreytingum stjórnvalda um áramótin „tókst heldur betur að kynda undir verðbólgubálið“ en vísitala neysluverðs hækkaði margfalt meira í janúar en meðalspá greinenda gerði ráð fyrir. Verðbólguvæntingar á skuldabréfamarkaði hafa rokið upp og peningastefnunefnd Seðlabankans getur gert lítið annað en „legið á bæn og vonað það besta“, segja sérfræðingar ACRO.
Íslandsbanki leysir til sín allt hlutafé í Hringrás
Endurvinnslufyrirtækið Hringrás, sem er að stórum hluta óbeint í eigu lífeyrissjóða, hefur verið yfirtekið af Íslandsbanka en rekstur þess hefur gengið fremur erfiðlega samtímis talsverðri skuldsetningu. Stutt er síðan til stóð að selja félagið fyrir milljarða en þau viðskipti féllu niður.
Fjárfestarnir sem veðja á að Drangar geti hrist upp í dagvörumarkaðinum
Þegar félagið Drangar, sem ætlar að hasla sér völl á dagvörumarkaði í samkeppni við risana tvo sem eru þar fyrir, kláraði yfir þriggja milljarða útboð undir lok síðasta árs voru fjárfestarnir sem bættust við hluthafahópinn að stórum hluta fáeinir lífeyrissjóðir, tryggingafélög og einkafjárfestir. Með þeirri fjármögnun var hægt að halda áfram vinnu við að bæta reksturinn í matvöruhluta Dranga en vænta má þess að verslunum undir merkjum Prís muni fjölga á næstunni.
Hækka verðmatið um fjórðung og mæla núna með kaupum í Högum
Virðismat á Haga hefur verið hækkað umtalsvert eftir sterkt uppgjör smásölurisans, meðal annars vegnar lækkunar á áhættuálagi og væntinga um betri afkomu, samkvæmt nýrri greiningu.
Íbúðalán bankanna skruppu verulega saman og ekki verið minni um langt árabil
Aukin samkeppni frá lífeyrissjóðunum á fasteignalánamarkaði og þrengri skilyrði fyrir verðtryggðum lánum átti meðal annars þátt í því að hrein ný íbúðalán viðskiptabankanna drógust saman um tugi prósenta í fyrra og hafa ekki verið minni að umfangi í meira en áratug.
Hrund kemur ný inn í stjórn Dranga
Á nýafstöðnum hluthafafundi Dranga, nýtt félag á smásölumarkaði og er eigandi að Orkunni, Samkaupum og Lyfjaval, var Hrund Rudolfsdóttir kjörin í stjórn en hún var áður forstjóri Veritas og er stjórnarmaður í nokkrum skráðum fyrirtækjum.
Kaldbakur og KEA koma á fót nýjum framtakssjóði
Norðlensku fjárfestingafélögin Kaldbakur og KEA hafa gert með sér samkomulag um stofnun nýs framtakssjóðs sem á að fjárfesta í innlendum nýsköpunar- og vaxtarfyrirtækjum.