Innherji
Björn Larsson, meðeigandi hjá Axcel, um fjárfestinguna í BBA//Fjeldco:
Að vera hluti af stórri samstæðu gefur lögfræðistofum „raunverulegt forskot“
Gefur Alvotech nauðsynleg svigrúm og losar um óvissu sem vofði yfir félaginu
Yfir tuttugu milljarða hlutafjáraukning Alvotech átti ekki að koma á óvart með hliðsjón af þróun lausafjárstöðu á fyrsta fjórðungi og áformum um áframhaldandi miklar fjárfestingar, að sögn erlendra greinenda, en þeir segja stjórnendur núna hafa meiri sveigjanleika til að mæta rekstrarþörf félagsins auk þess sem búið sé að styrkja og einfalda fjárfestasöguna. Mikil velta hefur verið með bréf félagsins frá opnun markaðarins vestanhafs í dag og gengið hækkað talsvert frá útboðsgenginu.
Fréttir í tímaröð
Controlant freistar þess að klára allt að tíu milljóna dala fjármögnun
Íslenska hátæknifyrirtækið Controlant, sem þróar og framleiðir vöktunarlausnir fyrir lyf og heilbrigðisvörur, vinnur nú að því að klára fjármögnun í þessum mánuði frá innlendum fjárfestum í formi útgáfu breytanlegra skuldabréfa fyrir allt að tíu milljónir Bandaríkjadala. Félagið er samhliða því að endursemja um rýmri lánaskilmála við stærsta lánveitenda sinn, breskt sjóðastýringarfyrirtæki.
Alvotech klárar hlutafjárútboð sem tryggir félaginu allt að tuttugu milljarða
Alvotech hefur klárað almennt sölutryggt hlutafjárútboð í Bandaríkjunum samhliða lokuðu útboði beint að tilteknum fjárfestum á EES-svæðinu sem tryggir félaginu allt að rúmlega tuttugu milljarða, nokkuð meira en stefnt var að. Áskriftargengið var á talsverðum afslætti miðað við dagslokagengið í gær.
Minni kostnaður með Kosmós en gæti einkum laðað að núverandi viðskiptavini
Nýtt lággjaldafélag með minni þjónustu sem Nova kynnti nýverið, undir heitinu Kosmós, gæti laðað til sín verðnæmari viðskiptavini en á móti vega þær áhyggjur að þeir muni einkum koma úr röðum núveraandi viðskiptamannahóps fjarskiptafyrirtækisins, að sögn hlutabréfagreinanda. Hlutabréfaverð Nova hefur sjaldan verið lægra en samkvæmt nýrri greiningu er það metið langt yfir gengi þess á markaði.
Falið atvinnuleysi virðist fara nokkuð hratt vaxandi
Þegar rýnt er í tölur um þá sem eru starfandi á vinnumarkaði þá virðist margt benda til þess að skráð atvinnuleysi væri að mælast nokkuð hærra um þessar mundir ef atvinnuþátttaka færi ekki hratt minnkandi á sama tíma.
Væntir þess að vera fyrst á markað með hliðstæðu við sjö milljarða dala lyf
Hlutabréfaverð Alvotech hefur rokið upp eftir að félagið greindi frá því að FDA hefði tekið til umsagnar umsókn þess um markaðsleyfi fyrir væntanlega hliðstæðu við lyfið Entyvio. Félagið telur sig vera í sterkri stöðu til að verða fyrst á markað með slíka hliðstæðu bæði í Evrópu og Bandaríkjunum, en frumlyfið selst í dag fyrir meira en sjö milljarða dala á ári.
Mest lesið
Myntbreyta
Mynt
Miðgengi
Upphæð
ISK1
GBP0
SEK0
USD0
EUR0
NOK0
DKK0
JPY0
Stjórnendur Íslandsbanka á góðri leið með ná uppfærðum markmiðum
Líklegt er að stjórnendur Íslandsbanka muni ná strax á þessu ári tökum á kostnaðarhlutfallinu en að uppfærð markmið um meira en 13 prósenta arðsemi eigi eftir að nást á árinu 2027, samkvæmt nýrri virðismatsgreiningu. Fjárfestum er ráðlagt að bæta við sig bréfum í bankanum sem er sagður talsvert undirverðlagður á markaði.
Krónan flökt mun minna gagnvart evru síðustu ár en margar aðrar myntir
Gengisflökt krónunnar gagnvart evru hefur minnkað verulega frá árinu 2023 og er talsvert minna annarra helstu mynta, en þar spilar meðal annars inn í jafnvægi á utanríkisviðskiptum og sveiflujafnandi hlutverk Seðlabankans og lífeyrissjóða. Þrátt fyrir tugmilljarða innflutning vegna uppbyggingar gagnavera var afgangur á vöru- og þjónustuviðskiptum á fyrsta fjórðungi ársins.
Sér mikil tækifæri með hliðstæðu við Simponi vegna takmarkaðrar samkeppni
Alvotech gerir ráð fyrir því að vera komið með þrjár nýjar líftæknilyfjahliðstæður á Bandaríkjamarkað í árslok og horfir þar einkum til tækifæra með hliðstæðuna við Simponi, að sögn stofnanda og aðaleigenda félagsins, þar sem samkeppnin er „mjög takmörkuð.“ Hann segir Alvotech vera á ákveðnum „vendipunkti“ og að breytingar á regluverki FDA séu til þess fallnar að styrkja samkeppnisstöðu félagsins enda talsverðar aðgangshindranir fyrir nýja leikendur að koma inn á markaðinn.
Forsendum fjárlaga ógnað og hallinn gæti orðið 40 milljörðum meiri
Á meðan óveðursskýin hrannast upp yfir innlendu efnahagslífi, sem er líklegt til að birtast í minni vexti einkaneyslu og verulega auknu atvinnuleysi, þá mun það óhjákvæmilega raska forsendum fjárlaga ríkissjóðs og gæti halli þessa árs orðið nærri fjörutíu milljörðum meiri en var áætlað, samkvæmt nýrri greiningu Acro. Ef stjórnvöld ætla að standa við fyrirheit sín um hallalaus fjárlög á árinu 2027 þá er ljóst að hægari efnahagsumsvif munu kalla á víðtækari hagræðingaraðgerðir, eða enn meiri hækkun skatta.
Útlánatap bankanna gæti numið um 150 milljörðum við „alvarlegt áfall“
Samkvæmt álagsprófi Seðlabankans gætu kerfislega mikilvægu bankarnir þrír staðið af sér „alvarlegt áfall“, sem gæti þýtt fyrir þá samtals um 150 milljarða króna útlánatap, án þess að þeir þyrftu að skerða of mikið framboð af lánsfé til viðskiptavina. Fjármálastöðugleikanefnd vekur athygli á vaxandi skuldum í byggingargeiranum samhliða því að lengri tíma tekur að selja eignir og beinir því til lánveitenda að þeir þurfi að „gæta að aukinni áhættu í geiranum.“
Sjóður Íslandssjóða tekur á sig 14 prósenta högg eftir stórt veðmál á Oculis
Annar af tveimur helstu hlutabréfasjóðunum í stýringu Íslandssjóða, ætlaður almennum fjárfestum, varð fyrir nærri fjórtán prósenta höggi í gær þegar Oculis lækkaði í verði um liðlega helming en langsamlega stærsta staða sjóðsins var bundin í bréfum líftæknifélagsins.
Erlendir greinendur lækka verðmöt sín um ríflega fjórðung eftir áfallið hjá Oculis
Greinendur fjölmargra erlendra fjármálastofnana hafa að meðaltali lækkað verðmat sitt á Oculis um ríflega fjórðung eftir að eitt lyfjum þess tókst ekki að ná markmiðum sínum í lykilrannsókn en telja félagið eftir sem áður verulega undirverðlagt á markaði. Gengi bréfa Oculis hélt áfram að lækka þegar markaðir opnuðu vestanhafs í dag.
Hækkar verðmatið á Icelandair þótt útlit sé fyrir yfir tíu milljarða rekstrartap
Þrátt fyrir að óvissan hafi sjaldan verið meiri í rekstri Icelandair, einkum vegna hækkandi eldsneytisverðs og kjaradeilna við flugmenn, þá er félagið verðmetið á nærri tvöfalt hærra verði en núverandi markaðsgengi í nýrri greiningu. Því er spáð að Icelandair muni skila yfir tíu milljarða króna rekstrartapi á þessu ári en áður var áætlað að afkoman yrði kringum núllið.
Greinendur „hissa“ með niðurstöðuna hjá Oculis en mæla enn með kaupum
Greinendur hafa lækkað verðmöt sín á Oculis eftir að ljóst varð að eitt af þremur þróunarlyfjum þess mistókst að ná markmiðum sínum í lykilrannsóknum en taka fram að þrátt fyrir vonbrigðin þá sé virði félagsins einkum byggt á lyfinu Privosegtor (OSC-05), sem er til meðferðar við bráðri sjóntaugabólgu, og mæla enn með kaupum. Líklegt er talið að gengi bréfa Oculis muni í kjölfarið haldast í kringum 15 til 20 dalir á hlut, um og yfir þriðjungi lægra en fyrir helgi.
Íslenskir fjárfestar verða fyrir tugmilljarða höggi við gengishrun Oculis
Eitt af þremur þróunarlyfjum Oculis, sem fjárfestar höfðu bundið miklar vonir við, mistókst að ná aðalmarkmiðum sínum þegar niðurstöður úr tveimur fasa 3 rannsóknum voru tilkynntar síðla dags í gær og því verður ekki sótt um markaðsleyfi hjá FDA. Markaðsvirði félagsins, sem var áður um 250 milljarðar, féll í kjölfarið um helming á Bandaríkjamarkaði en íslenskir fjárfestar – einkum lífeyrissjóðir, verðbréfasjóðir og spákaupamenn – verða fyrir umtalsverðu höggi sem á eftir að smitast yfir á hlutabréfamarkaðinn í heild sinni.
„Afar brýnt“ að klára frumvarp um rýmri fjárfestingarheimildir lífeyrissjóða
Formaður Landssamtaka lífeyrissjóða segir að nú þegar blikur séu á lofti í íslensku hagkerfi þá skipti máli að búa yfir öflugu lífeyriskerfi til að koma hjólum atvinnulífsins af stað, meðal annars með aðkomu að innviðaverkefnum. Þess vegna sé „afar brýnt“ að lögfesta frumvarp um um rýmri fjárfestingarheimildir lífeyrissjóðanna fyrir sumarið.
Kjölur selur allan hlut sinn í Reitum fyrir nærri fjóra milljarða
Fjárfestingafélagið Kjölur, einn stærsti einkafjárfestirinn í Reitum, hefur losað um allan eignarhlut sinn fyrir um 3,9 milljarða króna en salan kemur í kjölfar þess að annar af eigendum félagsins dró framboð sitt til stjórnar til baka vegna óánægju með að fá ekki stuðning til formennsku.
„Íslenskar hugmyndir“ um laun hafa lítið gildi á erlendum samkeppnismarkaði
Seðlabankastjóri segist hafa „áhyggjur“ af kjaradeilum flugmanna og Icelandair, sérstaklega ef þær leiða til verkfallsaðgerða með tilheyrandi tjóni fyrir allt atvinnulífið, og bendir á að „íslenskar hugmyndir“ um hver launin eigi að vera stangist oft á við raunveruleikann á alþjóðlegum samkeppnismarkaði.
Uppgjör Brims framar væntingum en horfur framundan sagðar „blendnar“
Þrátt fyrir samdrátt í bolfisksafla þá þýddi hátt afurðaverð að rekstrarhagnaður Brims á fyrstu þremur mánuðum ársins, sem var talsvert yfir væntingum greinenda, var sá næstmesti í sögu félagsins. Hlutabréfaverð Brims er núna í hæstu hæðum en stjórnendur segja að horfur framundan séu „blendnar“.
Eik talið verulega undirverðlagt á markaði í nýrri greiningu
Eik er talið verulega undirverðlagt á markaði samkvæmt nýútgefinni frumskýrslu og er fasteignafélagið metið á ríflega sextíu prósent hærra verði en núverandi markaðsgengi. Kaupin á fasteignasafni Festingar, sem eru sögð á hagstæðari verðmargfaldara en önnur sambærileg viðskipti á undanförnum árum, eru talin geta orðið mikilvægur drifkraftur vaxtar hjá félaginu á komandi árum.
Framkvæmdastjóri Íslandssjóða segir flugmenn taka Icelandair „í gíslingu“
Framkvæmdastjóri Íslandssjóða segir flugmenn Icelandair hafa tekið félagið í „gíslingu“ og að það stefni að óbreyttu „aftur í gjaldþrot“ eftir tugmilljarða tap á undanförnum árum. Hann segir að engir fjárfestar muni leggja fyrirtæki til fjármuni sem er ósamkeppnishæft út af „legacy“ samningum við flugstéttir sem séu að eyðileggjar rekstur félagsins.
Verðbólguþróunin í sumar mun ríða baggamuninn um næstu skref bankans
Ef mælingin núna í maí, sú fyrsta af þremur þangað til peningastefnunefnd kemur næst saman, verður yfir fimm prósent þá mun það halda annarri vaxtahækkun í ágúst opinni, að mati aðalhagfræðings Kviku. Sé litið á meðalspá fimm greinenda þá er útlit fyrir að tólf mánaða takturinn lækki eilítið en verði eftir sem áður rúmlega fimm prósent.
Fiskeldisrisar sagðir vera með augun á yfirtöku á Kaldvík og gengið rýkur upp
Nokkur af stærstu laxeldisfyrirtækjum í heimi, meðal annars Bakkafrost í Færeyjum, eru sögð vera að íhuga yfirtökutilboð í Kaldvík og hækkaði hlutabréfaverð þess skarpt á markaði fyrir helgi. Fiskeldisfyrirtækið á Austfjörðum hefur glímt við röð áfalla í rekstrinum um nokkurt skeið og markaðsvirðið er niður um nærri áttatíu prósent á einu ári.