Janus með sex mörk í Íslendingaslag

Janus Daði Smárason skoraði sex mörk þegar Aalborg gerði jafntefli við Pick Szeged, 26-26, í Íslendingaslag í Meistaradeild Evrópu í handbolta í dag.

Dönsku meistararnir fóru illa að ráði sínu en þeir voru tveimur mörkum yfir, 24-26, þegar skammt var til leiksloka.

Aalborg er í 4. sæti A-riðils Meistaradeildarinnar með ellefu stig en Pick Szeged er í 2. sætinu með 18 stig.

Ómar Ingi Magnússon skoraði tvö mörk fyrir Aalborg. Janus Daði var næstmarkahæstur í liði dönsku meistaranna á eftir Buster Juul sem skoraði sjö mörk.

Stefán Rafn Sigurmannsson fyrir þrjú mörk fyrir Pick Szeged.

Bæði lið eiga þrjá leiki eftir í riðlakeppninni.