Guðmundur Helgi rekinn frá Fram

Guðmundur Helgi Pálsson hefur verið látinn fara frá Fram.

Þetta staðfesti Bjarki K. Eysteinsson, formaður handknattleiksdeildar Fram, í samtali við Vísi í kvöld.

Bjarki þakkaði Guðmundi Helga kærlega fyrir góð störf, en hann hefur þjálfað karlalið Fram í handbolta síðan árið 2016.

Brotthvarf Guðmundar kemur í kjölfar tíu marka taps Fram fyrir FH í Olísdeildinni í gær.

Framarar búast við því að tilkynna um ráðningu nýs þjálfara á morgun.

Fram situr í 9. sæti Olísdeildarinnar með sjö stig eftir 11 leiki.