Fjármálamarkaðir

Fréttamynd

Fé­lögin flest van­metin á markaði sem ein­kennist af bið­stöðu og ó­vissu

Lítil velta, skortur á trú meðal fjárfesta og vaxandi óvissa í alþjóðamálum heldur áfram að setja svip sinn á markaði, að sögn hlutabréfagreinenda, sem segir ekki koma á óvart að almenningur hafi nánast gefist upp á hlutabréfafjárfestingum. Mikill meirihluti skráðra félaga eru samt enn talin verulega undirverðlögð, ekki hvað síst Icelandair.

Innherji
Fréttamynd

Hluta­fé Fossa aukið um 300 milljónir til að styðja við vöxt á efna­hag bankans

Á meðan afkoman hjá Skaga var dræm af fjármálastarfsemi og fjárfestingum, meðal annars talsvert rekstrartap hjá Fossum, þá náði að vega á móti að áfram var góður gangur í tryggingarekstrinum á öðrum fjórðungi. Í lok síðasta mánaðar stóð móðurfélagið að baki hlutafjáraukningu í Fossum upp á þrjú hundruð milljónir sem á að styðja við aukna lánastarfsemi fjárfestingabankans.

Innherji
Fréttamynd

Fyrir­tæki farin að „fresta öllum á­kvörðunum sem hægt er að fresta“

Áhyggjur af þrálátri verðbólga og háu vaxtastigi eru farin að hafa merkjanleg áhrif á fjárfestingar í mörgum atvinnugreinum, að sögn fjármálastjóra Íslandsbanka, en fyrirtækin eru að fresta öllum fjárfestingarákvörðunum sem hægt sé að fresta. Þótt íslensku bankarnir, sem eru allir með jákvæðan verðtryggingarjöfnuð, njóti til skamms tíma ávinnings af mikilli verðbólgu þá mun sú staða að lokum snúast í andhverfu sína og valda þeim útlánatapi.

Innherji
Fréttamynd

Vatna­skil gætu verið í kortunum og spá því að vaxta­hækkunum sé lokið í bili

Þótt verðbólgan verði að líkindum í kringum fimm prósent á næstu mánuðum þá gætu verið vatnaskil í kortunum samhliða hratt lækkandi hrávöruverði og skýrum vísbendingum um hægari efnahagsumsvif. Greinendur Acro telja því að vaxtahækkunarferlinu sé lokið, í bili að minnsta kosti, og segja „nauðsynlegt“ að innlenda hagkerfið fái aukið súrefni á komandi misserum.

Innherji
Fréttamynd

Sér­eignar­sjóðir skilað tals­vert lakari á­vöxtun þrátt fyrir meiri á­hættu

Séreignarsjóðir hafa að jafnaði skilað talsvert lakari árlegri ávöxtun en samtryggingardeildir lífeyrissjóða síðasta aldarfjórðung, samkvæmt nýrri rannsókn, jafnvel þegar leiðrétt er fyrir áhættu í eignasafninu og hærri kostnaði. Umgjörðin í kringum séreignarsparnað, þar sem einstaklingar velja sjálfir þátttöku og fjárfestingarleiðir og hagnaðardrifin fjármálafyrirtæki gegna stóru hlutverki, er sögð hafa haft neikvæð áhrif á árangur kerfisins.

Innherji
Fréttamynd

Að brúa bil á milli kaupanda og seljanda

Efnahagsumhverfið sem við glímum við um þessar mundir – litað af sívaxandi óvissu hvort sem er í íslenska hagkerfinu eða heimshagkerfinu – hefur neytt fjárfesta til þess að nálgast stórar ákvarðanir um fjárfestingar með öðrum hætti en vanalega. Birtingarmyndirnar eru ýmsar. Sem dæmi um eina slíka er ríkari tilhneiging í fyrirtækjakaupum til þess að láta kaupverð ráðast að hluta af árangurstengdum þáttum í rekstri félaga.

Umræðan
Fréttamynd

Fjár­festar bæta hratt í fram­virku stöðuna til að verjast gengis­styrkingu

Áhugi fjárfesta og innlendra útflutningsfyrirtækja á að verja sig fyrir mögulegri gengisstyrkingu krónunnar hefur farið ört vaxandi á undanförnum mánuðum en hrein framvirk gjaldeyrisstaða með krónunni hefur núna ekki verið meiri frá því á sumarmánuðum ársins 2024. Á sama tíma eru lífeyrissjóðir farnir að bæta nokkuð í gjaldeyriskaup sín sem eru að nálgast að verða jafn mikil og allt árið í fyrra.

Innherji
Fréttamynd

Ó­vissa út við sjón­deildar­hring

Stöðugt, fyrirsjáanlegt og einfalt efnahags- og rekstrar umhverfi er ein mikilvægasta forsenda þess að lítil og meðalstór fyrirtæki geti fjárfest, ráðið fólk og vaxið. Það ætti að ríma vel við nýsamþykkta atvinnustefnu stjórnvalda sem leggur sérstaka áherslu á aukna framleiðni, samkeppnishæfni og nýsköpun.

Umræðan
Fréttamynd

„Það er nóg til“ hjá Kviku og geta til vaxtar er enn um­tals­verð

Dekkri efnahagshorfur samhliða meðal annars minni umsvifum á byggingar- og fasteignamarkaði veldur því að spár um útlánavöxt og auknar vaxtatekjur hjá Kviku eru lækkaðar, samkvæmt nýrri verðmatsgreiningu. Bankinn er samt sagður undirverðlagður á markaði og þrátt fyrir nýlega stóra arðgreiðslu þá sé hann með mikið umfram eigið fé sem gefur færi á frekari vexti.

Innherji
Fréttamynd

Að vera hluti af stórri sam­stæðu gefur lög­fræði­stofum „raun­veru­legt for­skot“

Bylting í notkun gervigreindar ásamt annars konar kröfum viðskiptavina munu að mati Axcel umbreyta rekstrarumhverfi lögfræðistofa á næstu árum með svipuðum hætti og orðið hefur í endurskoðunar- og ráðgjafargeiranum. Norræna sjóðastýringarfélagið hefur því ráðist í uppbyggingu nýrrar samstæðu viðskiptalögfræðistofa á Norðurlöndum en fjárfestingin í BBA//Fjeldco er hluti af þeirri stefnu, útskýrir einn stjórnenda Axcel í ítarlegu viðtali við Innherja, sem er jákvæður á langtímahorfur íslensks efnahagslífs og segir landið hafa sýnt að það „lætur að sér kveða langt umfram“ stærð sína.

Innherji
Fréttamynd

Festa og Gildi vilja sam­einast

Lífeyrissjóðirnir Festa og Gildi hyggjast hefja viðræður um mögulega sameiningu sjóðanna. Gangi sameiningin eftir yrði nýr sjóður sá næststærsti á landinu með um 1.600 milljarða króna eignir miðað við stöðu sjóðanna í lok síðasta árs.

Viðskipti innlent
Fréttamynd

Krónan flökt mun minna gagn­vart evru síðustu ár en margar aðrar myntir

Gengisflökt krónunnar gagnvart evru hefur minnkað verulega frá árinu 2023 og er talsvert minna annarra helstu mynta, en þar spilar meðal annars inn í jafnvægi á utanríkisviðskiptum og sveiflujafnandi hlutverk Seðlabankans og lífeyrissjóða. Þrátt fyrir tugmilljarða innflutning vegna uppbyggingar gagnavera var afgangur á vöru- og þjónustuviðskiptum á fyrsta fjórðungi ársins.

Innherji
Fréttamynd

For­sendum fjár­laga ógnað og hallinn gæti orðið 40 milljörðum meiri

Á meðan óveðursskýin hrannast upp yfir innlendu efnahagslífi, sem er líklegt til að birtast í minni vexti einkaneyslu og verulega auknu atvinnuleysi, þá mun það óhjákvæmilega raska forsendum fjárlaga ríkissjóðs og gæti halli þessa árs orðið nærri fjörutíu milljörðum meiri en var áætlað, samkvæmt nýrri greiningu Acro. Ef stjórnvöld ætla að standa við fyrirheit sín um hallalaus fjárlög á árinu 2027 þá er ljóst að hægari efnahagsumsvif munu kalla á víðtækari hagræðingaraðgerðir, eða enn meiri hækkun skatta.

Innherji
Fréttamynd

Ís­land og ESB: samnings­mark­mið, aðildar­viðræður og Evran

Þótt öll ný aðildarríki ESB séu skuldbundin til að taka upp evru má fresta því um óákveðinn tíma. Ríkin sem hafa valið að taka ekki upp evru gera það af því ekki síst að það er pólitískur meirihluti fyrir sjálfstæðri peningastefnu. Þarna virðist meðal annars á ferðinni gildismat sem hverfist um fullveldið og að geta haft ákvörðunarvald yfir efnahagsstefnunni, einkum ef áföll verða.

Umræðan
Fréttamynd

Útlána­tap bankanna gæti numið um 150 milljörðum við „al­var­legt á­fall“

Samkvæmt álagsprófi Seðlabankans gætu kerfislega mikilvægu bankarnir þrír staðið af sér „alvarlegt áfall“, sem gæti þýtt fyrir þá samtals um 150 milljarða króna útlánatap, án þess að þeir þyrftu að skerða of mikið framboð af lánsfé til viðskiptavina. Fjármálastöðugleikanefnd vekur athygli á vaxandi skuldum í byggingargeiranum samhliða því að lengri tíma tekur að selja eignir og beinir því til lánveitenda að þeir þurfi að „gæta að aukinni áhættu í geiranum.“

Innherji
Fréttamynd

Gengi Oculis hrynur

Gengi Oculis hefur fallið um ríflega helming frá opnun Kauphallarinnar í kjölfar slæmra tíðinda af lyfjaþróun félagsins á föstudagskvöld.

Viðskipti innlent
Fréttamynd

Vextir hækkaðir sam­hliða horfum á minni hag­vexti og meira at­vinnu­leysi

Annan fundinn í röð hefur peningastefnunefnd ákveðið að hækka meginvexti Seðlabankans um 25 punkta, sem var í samræmi við spár flestra greinenda, á sama tíma og ný þjóðhagsspá teiknar upp dekkri efnahagshorfur sem einkennast af minni hagvexti og meira atvinnuleysi. Nefndin segist reiðubúin að herða taumhald peningastefnunnar frekar en ekki er útlit fyrir að verðbólgan fari undir fjögur prósent fyrr en á seinni hluta næsta árs.

Innherji

Mest lesið