403 hefur verið sagt upp hjá Bláa lóninu
403 hefur verið sagt upp hjá Bláa lóninu frá og með næstu mánaðarmótum vegna áhrifa af kórónuveirufaraldrinum. Forstjóri fyrirtækisins segir enn eftir að koma í ljós hvort að fyrirtækið ætli að nýta sér stuðning ríkissjóðs á greiðslu hluta launakostnaðar á uppsagnafresti. Alls missa um 800 manns vinnuna um mánaðarmótin í hópuppsögnum hjá Vinnumálastofnun.
