Segist opinn fyrir því að ræða kjör starfsfólks á leikskólum sérstaklega
Formaður samninganefndar Reykjavíkurborgar segist vera opinn fyrir því að ræða kjör starfsfólks á leikskólum sérstaklega. Ótímabundið verkfall Eflingarstarfsfólks á mánudag sé mikið áhyggjuefni. Samninganefndirnar hafa ekki mæst á fundi síðan fyrir helgi og ríkissáttasemjari hefur enn ekki boðað til nýs fundar og alls óvíst hvenær það verður gert.
