Trygging Isavia fyrir skuldum WOW air farin
Trygging sem Isavia hafði fyrir skuldum WOW air er farin af landi brott eftir að farþegaþota bandarísku flugvélaleigunnar ALC sem Isavia kyrrsetti fór frá Keflavíkurflugvelli í morgun. Upplýsingafulltrúi Isavia segir að málinu sé ekki lokið, það verði áfram rekið fyrir dómstólum. Lögmaður ALC segir að Isavia þurfi að endurskoða vinnubrögð sín í málum sem þessum.
