Öldungadeild Bandaríkjaþings samþykkti löggjöf í aðgerðum gegn loftslagsbreytingum
Öldungadeild Bandaríkjaþings samþykkti í gærkvöld löggjöf sem kveður á um umfangsmestu fjárfestingu í aðgerðum gegn loftslagsbreytingum í sögu Bandaríkjanna. Fjárfestingin nemur um 370 milljörðum Bandaríkjadala og er markmiðið að draga úr losun gróðurhúsalofttegunda um 40 prósent fyrir árið 2030, miðað við það sem var árið 2005.
