FIH bankinn fékk 45 milljarða lán í dag

FIH bankinn danski, sem nú er í eigu Íslands, fékk í dag lán frá dönskum stjórnvöldum upp á 1,9 milljarð danskra kr. eða um 45 milljarða kr. Um er að ræða lánveitingu úr svokölluðum bankpakke II.

Tugum milljarða í norskum seðlum smyglað úr landi

Talið er að tveimur til þremur milljörðum norskra króna í stórum peningaseðlum, eða 40 til 60 milljörðum kr., sé smyglað út úr Noregi á hverju ári.

Madoff dæmdur í 150 ára fangelsisvist

Fjársvikarinn Bernhard Madoff var í dag dæmur í 150 ára fangelsisvist eins og raunar var viðbúið.

Eva Joly vill koma Barroso úr embætti sínu hjá ESB

Norsk/franski spillingarbaninn Eva Joly segir að fyrsta verk flokks hennar á Evrópuþinginu verði að koma í veg fyrir að José Manuel Barroso verði endurkjörinn sem leiðtogi framkvæmdanefndar ESB. „Hann hefur komið fram með fleiri heimskar tilskipanir,“ segir Joly í samtali við vefsíðuna e24.no.

OECD: Skuldir Breta 90% af landsframleiðslu 2010

Efnahags- og framfarastofnunin, OECD, segir að heildarskuldir breska ríkisins verði orðnar 90% af landsframleiðslu á næsta ári.

Besti einkabanki Evrópu - Margir Íslendingar í viðskiptum

Norræni viðskiptabankinn Nordea var valinn besti bankinn í Evrópu á sviði einkabankaþjónustu í könnun MyPrivateBanking.com. Tveir Íslendingar starfa hjá bankanum og margir Íslendingar eru í viðskiptum við bankann í Lúxemborg.

Launin voru meir en hálft tonn að þyngd

Tvær rússneskar konur urðu fyrir óþægilegri lífreynslu þegar forstjóri þeirra ákvað að gera upp lokalaunagreiðslur þeirra í mynt. Í heild vógu launin yfir hálft tonn.

Kjell Inge Rökke og frú leysa til sín tæpa 9 milljarða í hagnað

Norski auðkýfingurinn Kjell Inge Rökke og eiginkona hans Anne Grete Eidsvig hafa ákveðið að leysa til sín hagnað upp á 441 milljón norskra kr., eða tæplega 9 milljarða kr., úr einkafjárfestingafélagi sínu The Resource Group (TRG).

Putin lokar öllum spilavítum í Rússlandi

Það stefnir í stærstu uppsagnabylgju á síðari tímum í Rússlandi á miðvikudag en þá á að loka öllum spilavítum landsins að skipun Vladimir Putin forsætisráðherra. Þessar lokanir eru liður í herferð Putin gegn siðferðisglæpum í Rússlandi.

Danskir og norskir ferðamenn streyma til Svíþjóðar

Danskir og norskir ferðamenn streyma nú yfir til Svíþjóðar sem aldri fyrr. Fjármálakreppan og sögulega veikt gengi sænsku krónunnar eru ástæður þessa.

Sjælsö Gruppen með góða sölu í Noregi upp á 3,5 milljarða

Danska fasteignafélagið Sjæsö Gruppen hefur selt þrjá verslunarkjarna í Noregi í gegnum dótturfélag sitt þar. Alls fengust 175 milljónir norskra kr. fyrir eignirnar eða rétt tæpir 3,5 milljarðar kr., og kalla danskir fjölmiðlar þetta góða sölu hjá Sjælsö.

Volkswagen þrýstir á Porsche

Samrunaviðræðum þýsku bílaframleiðandanna Volkswagen og Porsche verður hætt, að minnsta kosti tímabundið, gangi Porsche ekki að tilboði Volkswagen fyrir morgundaginn. Samrunaviðræðurnar hófust um miðjan maí.

Nýr björgunarpakki hugsanlega settur saman

Háttsettur embættismaður í Hvíta húsinu segir að vel komi til greina að settur verði saman nýr björgunarpakki til að styrkja bandarískan efnahags. Bandaríkjaþing samþykkti um miðjan febrúar aðgerðapakka sem metinn var á tæpa 790 milljarða dollara eða sem nemur um 90 þúsund milljörðum íslenskra króna.

Viðskiptasagan: Rothschild og Freshfields tengd við þrælasölu

Tvö af stærstu nöfnum fjármálahverfisins í London, The City, Rothschild og Freshfields hafa verið tengd við þrælasölu í bresku nýlendunum. Ný söguleg gögn sem The Financial Times hefur undir höndum sýna fram á þetta.

Iceland er 13. stærsta einkafélag Bretlandseyja

Verslunarkeðjan Iceland er 13. stærsta einkafélag Bretlandseyja samkvæmt nýjum Topp Track 100 lista Sunday Times/Deloitte sem birtur er í dag. Landsbankinn fer nú með tæplega 14% hlut í Iceland sem var áður í eigu Baugs.

Samstarfsfélag Símans í Bretlandi skráð á markað

Daisy Communications, samstarfsfélag Símans í Bretlandi verður skráð á AIM markaðinn í London á næstunni, jafnvel strax í þessari viku. Talið er að skráningin skili 200 milljónum punda eða um 42 milljörðum kr. Daisy og Síminn reka í sameiningu félagið Daisy Mobile á breska fjarskiptamarkaðinum.

Sérfræðingar gáttaðir á verðþróun á áli

Sérfræðingar í álviðskiptum eru gáttaðir á verðþróuninni á áli að undanförnu. Um miðja síðustu viku tók álverðið mikla dýfu og fór undir 1600 dollara markið. Á föstudaginn var, eða tveimur dögum síðar, var það svo komið upp í tæpa 1670 dollara á tonnið.

Milljarðaeignir Madoffs gerðar upptækar

Dómstóll í Bandaríkjunum hefur úrskurðað að eignir fjárfestingarfélags fjársvikamannsins Bernards Madoffs verði gerðar upptækar. Eignir félagsins eru metnar á rúmlega 170 milljarða dollara en upphæðin samsvarar til rúmlega 22 þúsund milljarða íslenskra króna.

Spánn er að rétta úr kútnum

Versta lægð kreppunnar er gengin yfir á Spáni að sögn Zapateros, forsætisráðherra.

Hádegisverður með Buffet ódýrari en áður

Hádegisverður með auðkýfingnum Warren Buffett er fimmtungi ódýrari nú enn fyrir ári síðan ef eitthvað er að marka árlegt uppboð sem haldið í góðgerðarskyni. Hádegisverður með Buffet fór á rúmlega 1,7 milljón dollara eða 217 milljónir króna samanborið við 2,2 milljón dollara í fyrra en það var áður en fjármálakreppan skall á af fullum þunga.

Áfram barist við endurheimtur á fé úr íslenska bankahruninu

Góðgerðarsamtökin Highland Hospice, sem reka m.a. sjúkrahótel í Inverness í Skotlandi hafa ekki gefist upp við að endurheimta fé það sem samtökin töpuðu á hruni íslensku bankanna í haust.

Hagnaður Smith & Wesson meir en tvöfaldast

Vopnaframleiðandinn Smith & Wesson meir en tvöfaldaði hagnað sinn á fyrsta ársfjórðungi ársins m.v. við sama tímabil í fyrra. Fór hagnaðurinn úr 3,3 milljónum dollara í fyrra og í 7,4 dollara í ár eða í tæpan milljarð kr.

Eik Banki fær lán frá dönskum stjórnvöldum

Eik Banki Denmark A/S, sem er dótturfélag Eik Banki í Færeyjum og stærsti netbanki Danmerkur, mun fá tæplega 300 milljón danskra kr., eða 7,2 milljarða kr. lán frá dönskum stjórnvöldum.

40.000 manns ferðast daglega eða vikulega milli Norðurlandanna sökum vinnu

Fulltrúar í Norðurlandaráði fjölluðu í gær um landamærahindranir á Norðurlöndum á fundi sínum í Tornedalen. Um 40.000 einstaklingar ferðast daglega eða vikulega milli Norðurlandanna vegna vinnu og álíka margir flytja milli landa árlega.

Seðlabanki sakaður um að þvinga banka saman

Bandaríski seðlabankinn er sakaður um að hafa setið á upplýsingum um bága fjárhagsstöðu bandaríska fjárfestingarbankans Merrill Lynch þegar samþykkt var að selja hann í miklum hremmingum á fjármálamörkuðum til Bank of America í september á síðasta ári.

Efnahagsbati í Simbabve

Hagkerfi Simbabve hefur snúið aftur úr táradal síðustu ára. Dregið hefur hratt úr atvinnuleysi, sem mældist 94 prósent í febrúar, og framleiðni hefur tvöfaldast. Þá hafa stjórnvöld náð taki á verðbólgudraugnum og er stefnt að því að snúa hann niður. Þetta segir Elton Mangoma, viðskiptaráðherra Simbabve.

Gjaldmiðlaskiptasamningar fram á næsta ár

Bandaríski seðlabankinn framlengdi í gær gjaldeyris­skiptasamninga við þrettán seðlabanka víða um heim fram til febrúar á næsta ári. Samningarnir, sem fyrst voru gerðir síðasta haust í gerningaveðri á fjármagnsmörkuðum, áttu að renna út í október.

H&M hristi kreppuna af sér

Sænska verslanakeðjan H&M hagnaðist um 4,19 milljarða sænskra króna, jafnvirði rúmra 83 milljarða íslenskra, á öðrum ársfjórðungi. Þetta er 6,3 prósenta aukning frá í fyrra og þykir skjóta nokkuð skökku við í þeim efnahagsþrengingum sem plagað hafa heiminn.

Icesave eykur við sérfræðinám í Bretlandi

Icesave klúðrið hefur valdið því að breska endurskoðunarfyrirtækið Chartered Institute of Public Finance & Accounting eða CIPFA og Samtök fjármálastjóra fyrirtækja (ACT) í Bretlandi hafa ákveðið að auka við sérfræðinám í alþjóðlegri fjármálastjórnun.

Hinir ofurríku tapa mest á fjármálakreppunni

Fjöldi ofurríkra einstaklinga hefur minnkað um fjórðung í fjármálakreppunni og þar með hefur dregið úr sannleika kenningarinnar um að hinir ríku haldi betur á fjármunum sínum en aðrir.

Samsæriskenningar grassera kringum skuldabréfasmygl

Að hvaða niðurstöðu kemstu þegar þú blandar saman tveimur japönskum ríkisborgurum með fölsuð bandarísk ríkisskuldabréf, hægfara farþegarlest á leið til Sviss og meðlimum í fjármálalögreglu Ítalíu?

Tvö erfið ár fram undan hjá Toyota

Nýr forstjóri Toyota-bílaverksmiðjanna japönsku, Akio Toyoda, segir tvö mjög erfið ár fram undan hjá fyrirtækinu. Toyoda er barnabarn stofnanda bílaverksmiðjanna og hélt sinn fyrsta blaðamannafund sem forstjóri í gær.

Óbreyttir vextir

Seðlabanki Bandaríkjanna ákvað að halda stýrivöxtum óbreyttum á fundi sínum í gær.

Fjárfestir vill meiri efnahagshvata

Fjárfestirinn Warren Buffett segir stjórnvöld í Bandaríkjunum verða að kasta öðrum björgunarhring til efnahagslífsins. Gerist það ekki megi búast við að fjármálakerfið taki dýfu í annað sinn.

ECB dælir tröllvöxnum upphæðum inn í bankakerfi Evrópu

Evrópski seðlabankinn (ECB) hefur ákveðið að veita viðskiptabönkum í aðildarlöndum lausafjárfyrirgreiðslu að verðmæti um 80 billjón (þúsundir milljarða) króna eða 442 milljarða evra.

Umræður um Icesave á hollenska þinginu

Utandagskrárumræður um Icesave standa nú yfir í hollenska þinginu en hópur af fyrrum innistæðueigendum Icesave hefur krafist þess að fá innistæður sínar greiddar að fullu. Þessi hópur segir að handvömm fjármálaeftirlita Íslands og Hollands eigi ekki að bitna á þeim.

Íslenskir fjárfestar óska eftir greiðslustöðvun í Milwaukee

Íslenskir fjárfestar með SJ Properties Suites Buyco ehf. í broddi fylkingar hafa óskað eftir greiðslustöðvun hjá dómstóli í Milwauke, stærstu borg Wisconsin ríkis í Bandaríkjunum.

Dollaramilljónamæringum fækkar um 15% í heiminum

Einstaklingum sem eiga meir en eina milljón dollara í persónulegum auðæfum fækkar um tæp 15% í ár miðað við árið í fyrra. Þeir eru nú 8,6 milljónir talsins. Þetta eru niðurstöður árlegrar úttektar á vegum Capgemini/Merrill Lynch sem birt er í dag.

Alþjóðabankinn spáir 2,9% samdrætti á heimsvísu

Í nýrri skýrslu Alþjóðabankans spáir bankinn samdrætti um 2,9% á heimsvísu á árinu 2009 en að hagvöxtur árin 2010 og 2011 og verði 2,0% og 3,2%.

Betri tíð í spilunum

Alþjóðabankinn spáir samdrætti upp á 2,9 prósent á heimsvísu á þessu ári. Á næstu tveimur árum snúi til betri vegar og muni hagvöxtur nema 3,2 prósentum árið 2011.

Er vefsíðan mín góð eða slæm?

Ein af skemmtilegri vefsíðum netheima er www.webpagesthatsuck.com, þar sem farið er yfir vefsíður sem eru afar illa hannaðar og þær metnar. Þar segir meðal annars um fyrstu mánuði þessa árs, að „þetta virðist ætla að verða gott ár fyrir slæma vefsíðuhönnun".

Óttast mengun á erfðavísum villtra þorska

Náttúruverndarsinnar óttast að aukning þorskeldis muni leiða til frekari flótta þorsks úr þorskeldum sem leiði til mengunar á erfðavísum villtra þorska. Náttúruverndarsinnar hafa komið þessum áhyggjum sínum á framfæri vegna mikillar aukningar þorskeldis í Evrópu.

Moody´s: Bandaríkin halda lánshæfiseinkunn AAA

Matsfyrirtækið Moody´s segir í nýju áliti að Bandaríkin muni halda AAA lánshæfiseinkunn sinni en bætir við að sú einkunn kunni að vera í hættu ef bandarískum stjórnvöldum tekst ekki að draga úr opinberum skuldum sínum.

Hagnaður NIB nam 16 milljörðum

Hagnaður Norræna fjárfestingarbankans á fyrsta ársfjórðungi ársins nam 91 milljón evra eða um 16 milljörðum kr.

Hvalaskoðun gefur meira af sér en hvalveiðar

Í nýrri skýrslu sem lögð hefur verið fram á ársfundi Alþjóðahvalveiðiráðsins (IWC) sem nú stendyr yfir segir að hvalaskoðun gefi nú af sér meiri tekjur á heimsvísu en hvalveiðar. Tekjur af hvalaskoðun nemi nú um 2,1 milljarði punda eða rúmlega 440 milljörðum kr. á ári.