Burns leiðir á Birk­da­le og líkur á sögu­legum sigri

Ryan Fox spilaði frábærlega á þriðja hringnum í dag og jafnaði vallarmetið á Royal Birkdale. Hann lék hringinn á 62 höggum, átta höggum undir pari, líkt og Lucas Herbert og Burns í gær.

Burns lék á fimm höggum undir pari í dag og er samtals á tíu höggum undir pari.

Fox og Kim Si-woo koma þar á eftir á samtals átta höggum undir pari og Herbert og Ryan Gerard eru á samtals sjö höggum undir pari.

Enginn þeirra hefur unnið risamót á ferlinum en það gæti breyst á morgun.

Bryson DeChambeau hefur verið mikið á milli tannanna á fólki eftir refsinguna sem hann fékk í gær fyrir að laga legu boltans.

DeChambeau lék á einu höggi undir pari í dag og er samtals á sex höggum undir pari líkt og Ludvig Åberg og Jackson Suber.

Scottie Scheffler, sem á titil að verja á Opna breska, lék á pari vallarins í dag og er samtals á fjórum höggum undir pari.

Bein útsending frá lokadegi Opna breska hefst klukkan 08:00 á Sýn Sport á morgun.