Viðskipti innlent

Bein út­sending: Rök­styðja hækkun stýrivaxta

Árni Sæberg skrifar
Ásgeir Jónsson seðlabankastjóri, Þórarinn G. Pétursson varaseðlabankastjóri peningastefnu og Karen Áslaug Vignisdóttir aðalhagfræðingur Seðlabankans.
Ásgeir Jónsson seðlabankastjóri, Þórarinn G. Pétursson varaseðlabankastjóri peningastefnu og Karen Áslaug Vignisdóttir aðalhagfræðingur Seðlabankans. Vísir/Anton Brink

Ásgeir Jónsson seðlabankastjóri og Þórarinn G. Pétursson varaseðlabankastjóri peningastefnu gera grein fyrir ákvörðun peningastefnunefndar um hækkun stýrivaxta og sitja fyrir svörum á blaðamannafundi, sem hefst klukkan 09:30 og verður í beinni hér á Vísi. Þá mun Karen Áslaug Vignisdóttur, aðalhagfræðingur bankans og framkvæmdastjóri sviðs hagfræði og peningastefnu, kynna efni Peningamála, sem komu út í dag.

Peningastefnunefnd hefur ákveðið að hækka stýrivexti um 25 punkta og þeir fara því úr 7,5 prósentum í 7,75.

„Í ljósi verri verðbólguhorfa og hárra verðbólguvæntinga telur peningastefnunefnd rétt að hækka vexti bankans. Nefndin er jafnframt tilbúin að herða taumhald peningastefnunnar enn frekar til þess að tryggja hjöðnun verðbólgu að markmiði þótt það gæti hægt enn frekar á efnahagsumsvifum. Mótun peningastefnunnar mun þó sem fyrr ráðast af þróun efnahagsumsvifa, verðbólgu og verðbólguvæntinga,“ segir meðal annars í yfirlýsingu peningastefnunefndar.

Kynningarfund vegna ákvörðunar nefndarinnar og útgáfu peningamála má sjá í spilaranum hér að neðan:

Seðlabankinn Verðlag Íslenska krónan Efnahagsmál


Mest lesið


Fleiri fréttir

Sjá meira


×

Mest lesið