Tókst tak­markið eftir stór­skemmti­lega seríu

Detroit Pistons voru besta lið Austurdeildarinnar á tímabilinu og unnu hana með 60 sigra úr 82 leikjum. Þeir byrjuðu einvígið betur og komust 2-0 yfir áður en Cleveland vann þrjá í röð. Detroit vann síðasta leik til að jafna 3-3 og hafði tök á að komast í úrslit Austudeildar í fyrsta sinn frá 2005 með sigri á heimavelli í nótt.

Það varð hins vegar snemma ljóst að ekkert yrði úr því. Cleveland var einfaldlega miklu betra liðið í Little Ceasars-höllinni í bílaborginni.

Cleveland vann 31 stigs sigur, 125-91, og fer því áfram í úrslit austurhlutans og mætir þar New York Knicks í Madison Square Garden í fyrsta leik á aðfaranótt miðvikudags.

Donovan Mitchell var stigahæstur hjá Cavs með 26 stig, auk þess að gefa átta stoðsendingar og taka sex fráköst.

„Nú getum við andað í tólf tíma. En svo erum við komnir aftur á fullt,“ sagði Mitchell eftir leik.

Í Vesturdeildinni hefst einvígi Oklahoma City Thunder og San Antonio Spurs um sæti í úrslitum NBA-deildarinnar í nótt.