Lang­þráður og lífsnauðsynlegur sigur Þóris og fé­laga

Öll þrjú mörk leiksins voru skoruð á 13 mínútna kafla snemma í síðari hálfleik. Sambíumaðurinn Lameck Banda kom Lecce yfir, Alsíringurinn Mehdi Léris jafnaði fjórum mínútum síðar fyrir Pisa og átta mínútum eftir það, á 65. mínútu skoraði Marokkóinn Walid Cheddira það sem reyndist sigurmark Lecce.

Þórir Jóhann kom ekki við sögu hjá Lecce í kvöld og hefur ekki spilað mínútu síðan í mars. Alls hefur hann aðeins byrjað einn leik fyrir liðið og komið inn á í sex til viðbótar.

Sigurinn er sá fyrsti hjá Lecce síðan 8. mars og þýðir að liðið er með 32 stig í 16. sæti deildarinnar, fjórum stigum á undan Cremonese sem í átjánda sætinu, fallsæti. Lecce á þrjá leiki eftir en Cremonese fjóra, þar á meðal einn við Lazio um helgina.