Krafta­verk Einars Braga og fé­laga dugði skammt

Einar Bragi, sem valinn var í nýjasta landsliðshópinn sem mætir Egyptalandi í vináttulandsleikjum, var meðal markahæstu manna hjá Kristianstad í kvöld en náði ekki að koma í veg fyrir tap, 37-35, í tvíframlengdum leik.

Reyndar leit út fyrir að sigur Alingsås yrði öruggari en þetta því þegar um ein og hálf mínúta var eftir hafði liðið fjögurra marka forskot. Á lokakaflanum tókst Albin Selin hins vegar á ótrúlegan hátt að skora fjögur mörk og jafna leikinn, og knýja fram framlengingu.

Það dugði þó skammt og er Alingsås nú komið í 2-0 í einvíginu, einum sigri frá því að tryggja sér sæti í úrslitunum.

Óðinn Þór Ríkharðsson og félagar í Kadetten Schaffhausen eru hins vegar komnir í 2-0 gegn Bern, í undanúrslitum svissnesku úrvalsdeildarinnar, eftir 29-28 útisigur í kvöld. Óðinn hafði óvenju hægt um sig að þessu sinni en skoraði eitt mark.