Evrópskt stór­lið með augu á Degi

Dujschebaev hætti óvænt sem þjálfari Kielce fyrr í mánuðinum eftir heil tólf ár í starfi sem þjálfari liðsins. Hann raðaði inn titlum í Póllandi en liðið varð níu sinnum pólskur meistari undir hans stjórn, síðast 2023, vann bikarinn sjö sinnum og Meistaradeildina árið 2016.

Dujshebaev tók þá við franska landsliðinu í febrúar síðastliðnum og mun stýra liðinu á komandi heimsmeistaramóti í janúar næstkomandi.

Haukur Þrastarson lék undir hans stjórn hjá Kielce árin 2020 til 2024.

Krzysztof Lijewski tók við af Dujshebaev á dögunum og stýrir liðinu út leiktíðina. Það veltur á árangri næstu vikna hvort hann fái að halda því starfi áfram en samkvæmt umboðsmanninum Hen Livgot eru forráðamenn félagsins með augu á erlendum þjálfurum til að taka við.

Dagur Sigurðsson, þjálfari króatíska landsliðsins, er þar á lista en Dagur hefur ekki stýrt félagsliði síðan hann hætti með Fucshe Berlín árið 2015. Hann þjálfaði þýska landsliðið 2014 til 2017, Japan frá 2017 til 2024 og tók þá við Króötum.

Króatar hlutu silfur undir hans stjórn á HM 2025 og brons á EM í janúar síðastliðnum eftir sigur á íslenska landsliðinu í leiknum um þriðja sætið.

Auk Dags eru Slóveninn Uros Zorman, Króatinn Ivan Cupic og Þjóðverjinn Jaron Siewert sagðir á lista Kielce.