Körfubolti

Hné­skel Franks Arons brotnaði

Valur Páll Eiríksson skrifar
Frank Aron er í heljarinnar gipsi vegna hnéskeljarbrots sem mun halda honum frá vellinum í hálft ár hið minnsta.
Frank Aron er í heljarinnar gipsi vegna hnéskeljarbrots sem mun halda honum frá vellinum í hálft ár hið minnsta. Vísir/Sigurjón

Tímabili Frank Arons Booker, leikmanns Vals í körfubolta, er lokið. Hann hnéskeljarbrotnaði í 79-72 sigri Vals á Grindavík í undanúrslitum Bónus deildar karla á Hlíðarenda í gærkvöld.

Frank Aron fór sárþjáður af velli snemma leiks eftir að hafa lent saman við liðsfélaga sinn Keyshawn Woods. Við myndatöku kom í ljós að hnéskel hans brotnaði við áreksturinn og ljóst að tímabili hans er lokið.

Frank Aron á eftir að fá út úr frekari myndatökum og ómskoðunum þar sem hann fær úr því skorið hvort liðbönd eða krossbönd hafi skaddast einnig. Ljóst er að hann verður frá í hálft ár hið minnsta vegna meiðslanna.

Um er að ræða töluvert högg fyrir Valsmenn sem jöfnuðu einvígið við Grindavík 1-1 með sigrinum í gær. Fyrir var Lazar Nikolic frá vegna meiðsla í Valsliðinu.

Frank Aron braut hnéskelina á sama stað í sömu höll gegn sama andstæðingi og liðsfélagi hans Kristófer Acox í oddaleik um Íslandsmeistaratitilinn fyrir tveimur árum síðan. Það tók Kristófer þónokkra mánuði að ná sér góðum af sínum meiðslum.

Frank Aron verður til viðtals í Sportpakkanum á Sýn í kvöld.

Bónus-deild karla Valur UMF Grindavík

Tengdar fréttir

Áfall fyrir Vals­menn: Frank Aron fór sárþjáður af velli

Valsmenn urðu fyrir áfalli í fyrsta leikhluta í leik sínum gegn Grindavík í undanúrslitum Bónus deildarinnar í körfubolta sem nú stendur yfir. Frank Aron Booker, leikmaður liðsins meiddist á hné og fór sárþjáður af velli.

Mest lesið


Fleiri fréttir

Sjá meira


×

Mest lesið