Albert á­berandi í sóknar­leik Fiorentina en mörkin komu ekki

Albert var á sínum stað í byrjunarliði Fiorentina og lét til sín taka í dag. Hann átti fimm skot í leiknum, þar af tvö á markið, og skapaði fimm færi fyrir samherja sína.

Leikmenn Fiorentina reimuðu þó ekki á sig markaskóna fyrir viðureign dagsins. Þeir áttu 22 skot í leiknum en Stefano Turati var vel á verði í marki Sassuolo sem hélt hreinu í fyrsta sinn í átta leikjum.

Fiorentina hefur verið á góðri siglingu að undanförnu, ekki tapað í sjö deildarleikjum í röð og haldið hreinu í fjórum þeirra.

Fiorentina er í 15. sæti deildarinnar með 37 stig, níu stigum frá fallsæti. Liðið á fjóra deildarleiki eftir á tímabilinu.

Albert hefur komið við sögu í 29 deildarleikjum á tímabilinu, skorað fimm mörk og lagt upp fjögur.