Heiða Rakel vann háskólamót

Heiða var á meðal keppenda á UMSL Spring Invitational-mótinu sem fór fram á Norwood Hills CC – East-vellinum dagana 12.-13. apríl.

Heiða endaði samtals á einu höggi undir pari í mótinu. Eftir frábæran fyrsta hring upp á þrjú högg undir pari leiddi Heiða mótið með þremur höggum og hélt efsta sætinu allt til enda.

Heiða lék hringina þrjá á 68-75-69 höggum og varð einu höggi á undan Kamryn Shannon úr Ferris State-skólanum.

Lið Heiðu í Grand Valley State University vann einnig liðakeppni mótsins með sjö högga mun eða á 23 höggum yfir pari samtals.

Flottur árangur í þessu fyrsta móti Heiðu Rakelar í bandaríska háskólagolfinu.