Al­gjör mar­tröð á Masters hjá MacIntyre

MacIntyre sýndi sína bestu hegðun í dag eftir að hafa verið aðvaraður af mótshöldurum fyrir framkomu sína í gær.

Þar lét MacIntyre öllum illum látum, barði kylfunni margsinnis í jörðina eftir slæm högg og var sjálfum sér til skammar. Hann sendi svo einhverjum sniðugum áhorfanda langafingurinn eftir að hafa skotið í vatnið á 15. holu. Myndskeið af því má sjá hér fyrir neðan.

Þó MacIntyre hafi klárlega komið verstu út úr fyrstu tveimur keppnisdögunum hafa fleiri kylfingar lent í vandræðum, eins og má alltaf búast við á Masters-mótinu.

Bryson DeChambeau (24. sæti á heimslista) endaði fimm höggum yfir pari eftir seinni hringinn og er væntanlega á heimleið, miðað við hvar niðurskurðarlínan stendur núna.

Jon Rahm (30. sæti á heimslista) bíður svo í ofvæni eftir því að sjá hvort hann sleppi í gegnum niðurskurð, fjórum höggum yfir pari. Hann bætti vel úr sínum málum í dag eftir að hafa verið sex höggum yfir pari eftir gærdaginn.