Rose gerði rán­dýr mis­tök en Scheffler stóð sig stöðugt

Rose setti niður sinn fjórða fugl á 13. holu og var fjórum höggum undir pari en þrír skollar og aðeins einn fugl á síðustu fimm holunum komu sér illa.

„Þetta var dagur þar sem maður þurfti að sýna þolinmæði. Ég gerði það vel en svo undir lokin varð ég að aðeins ákafari og gerði nokkur mistök. Það munar svo litlu á þessu og í þetta skiptið gerði ég vitleysu. Heilt yfir er ég samt ánægður með byrjunina og ég get byggt á þessu,“ sagði Rose með sanni en hann situr í sameiginlegu 6. sæti.

Sam Burns og Rory McIlroy sitja enn á toppnum, fimm höggum undir pari.

Efsti kylfingur heimslistans, Scottie Scheffler, átti frábæra byrjun og fékk tvo fugla á fyrstu tveimur holunum.

Honum tókst hins vegar ekki að fylgja því eftir en spilaði hinar holurnar af góðum stöðugleika, allar á pari nema þá 15. þar sem hann fékk skolla.

Scheffler situr einnig í sameiginlega 6. sætinu, tveimur höggum undir pari.

Eitthvað allt annað en sá sem var með honum í holli, Robert MacIntyre, áttundi efsti kylfingur heimslistans. Hann fór hringinn á heilum átta höggum yfir pari.

Hér fyrir neðan má finna topp tíu listann eftir fyrsta dag Masters. Stöðutöfluna í heild sinni má finna hér.

Masters-mótið er í beinni útsendingu á Sýn Sport alla helgina. Útsending frá öðrum keppnisdegi mótsins hefst klukkan 17:00 á morgun.