Orri öflugur en staða Sporting við­kvæm

Þetta var fyrri leikur liðanna og er forskot Sporting því nokkuð naumt fyrir seinni leikinn í Póllandi í næstu viku.

Sporting náði mest átta marka forskoti í fyrri hálfleik í kvöld og var 19-12 yfir að honum loknum. Liðið náði svo að auka muninn í tíu mörk í seinni hálfleiknum, 24-14, en gestirnir breyttu stöðunni úr 27-18 í 28-24 og enduðu á að tapa með aðeins þriggja marka mun.

Orri skoraði sex mörk í kvöld en Martim Costa níu og Francisco Costa tíu úr aðeins ellefu skotum.

Orri er í svipaðri stöðu og félagi hans í landsliðinu, Janus Daði Smárason, sem fyrr í kvöld fagnaði þriggja marka heimasigri með Pick Szeged gegn Kielce.